സിപിഐഎം കേരള ഘടകത്തിന്റെ ഔദ്യോഗിക യൂട്യൂബ് ചാനലിന് ഒരു ലക്ഷത്തിലേറെ സബ്‌സ്‌ക്രൈബേഴ്‌സ്. കൊവിഡ് കാലത്തും കഴിഞ്ഞ നിയമസഭാ-തദ്ദേശ തെരഞ്ഞെടുപ്പുകളിലും നേതാക്കളുടെ പ്രസംഗ പരിപാടികളും സംവാദങ്ങളും ഈ യൂട്യൂബ് ചാനല്‍ വഴിയാണ് അണികളിലെത്തിയത്.
സിപിഐഎം പിബി അംഗങ്ങളായ എസ്. രാമചന്ദ്രന്‍ പിള്ള ,എം.എ ബേബി തുടങ്ങിയവരുടെ പ്രതിവാര പാര്‍ട്ടി ക്ലാസുകളും പ്രസംഗങ്ങളും ചാനലിലൂടെയുണ്ട്. എല്‍ഡിഎഫ് മന്ത്രിമാരുടെ പ്രഭാഷണ പരമ്പര, തുറന്നുകാട്ടപ്പെടുന്ന സത്യാനന്തരം എന്ന പേരില്‍ എം.സ്വരാജിന്റെ വീഡിയോ കോളം എന്നിവയും സിപിഐഎം ഔദ്യോഗിക ചാനലിലുണ്ട്.
ഒരു ലക്ഷത്തി പന്ത്രണ്ടായിരം സബ്‌സ്‌ക്രൈബേഴ്‌സ് പിന്നിട്ട സാഹചര്യത്തില്‍ യൂട്യൂബ് സില്‍വര്‍ പ്ലേ ബട്ടന്‍ ലഭിച്ചത് സംസ്ഥാന സെക്രട്ടറി എ.വിജയരാഘവനാണ് ഇക്കാര്യം അറിയിച്ചത്.