ഇറാനില്‍ പ്രാദേശിക സമയം രാവിലെ 7.37 ന് അനുഭവപ്പെട്ട ഭൂകമ്പത്തിന്‍റെ പ്രകമ്പനം യുഎഇയിലും അനുഭവപ്പെട്ടതായി താമസക്കാർ. ട്വിറ്ററിലൂടെയാണ് പലരും അനുഭവം പങ്കുവച്ചിരിക്കുന്നത്. മലയാളികള്‍ ഏറെയുളള അല്‍ നഹ്ദ ഭാഗത്തും പ്രകമ്പനം അനുഭവപ്പെട്ടു.
ഇന്ന് റിക്ടർ സ്കെയിലില്‍ 5.7 തീവ്രത രേഖപ്പെടുത്തിയ ഭൂചലനമാണ് ഇറാനിലുണ്ടായത്. യുഎഇയില്‍ പ്രകമ്പനം അനുഭവപ്പെട്ടുവെങ്കിലും നാശനഷ്ടങ്ങളോ പേടിക്കേണ്ട സാഹചര്യമോ ഉണ്ടായിട്ടില്ലെന്ന് ഭൗമ പഠനകേന്ദ്രം അറിയിച്ചു.
സെക്കന്‍റുകള്‍ മാത്രം നീണ്ടുനിന്ന പ്രകമ്പനമാണ് യുഎഇയില്‍ അനുഭവപ്പെട്ടത്.പ്രകമ്പനം അനുഭവപ്പെട്ടതായി യുഎഇ ദേശീയ കാലാവസ്ഥ നിരീക്ഷണകേന്ദ്രം സ്ഥിരീകരിച്ചിട്ടുണ്ട്.