ഗുണ്ടകളെ കൊണ്ട് സംസ്ഥാനത്തെ ജനങ്ങള്‍ പൊറുതിമുട്ടിയിരിക്കുകയാണെന്ന് പി.കെ കുഞ്ഞാലിക്കുട്ടി. ഗുണ്ടാ ആക്രമണം തടയുന്നതില്‍ സര്‍ക്കാര്‍ പരാജയപ്പെട്ടു. മുഖ്യമന്ത്രി പിണറായി വിജയന്‍ രാജിവെക്കണമെന്നും പി.കെ കുഞ്ഞാലിക്കുട്ടി ആവശ്യപ്പെട്ടു.

ഓരോ ദിവസവും കൊലപാതകവും ഗുണ്ടാ ആക്രമണങ്ങളും നടക്കുന്നു. സംസ്ഥാനത്തെ നിയമവാഴ്ച യുക്രെയ്ന്‍ യുദ്ധം പോലെയായെന്നും പി.കെ കുഞ്ഞാലിക്കുട്ടി കുറ്റപ്പെടുത്തി.

സംസ്ഥാനത്ത് പുതിയ പദ്ധതികള്‍ നടപ്പാകണങ്കെില്‍ ക്രമസമാധാനമുണ്ടാകണം. കെ റെയിലിനെക്കുറിച്ച് മാത്രമാണ് സംസ്ഥാന സര്‍ക്കാരിന് പറയാനുള്ളത്. കെ റെയിലിലൂടെ മുഖ്യമന്ത്രി പിണറായി വിജയന്‍ അഴിമതിയാണ് ലക്ഷ്യമിടുന്നത്. ഈ പദ്ധതിയെക്കുറിച്ച് കൃത്യമായ വിശദീകരണം നല്‍കാന്‍ മുഖ്യമന്ത്രി പിണറായി വിജയന് കഴിഞ്ഞിട്ടില്ലെന്നും പി.കെ കുഞ്ഞാലിക്കുട്ടി ആരോപിച്ചു.