കേരളത്തില് ഇതുവരെ സമൂഹവ്യാപനം നടന്നിട്ടില്ലെന്ന് ആരോഗ്യമന്ത്രി കെകെ ശൈലജ. റാപ്പിഡ് ടെസ്റ്റിലൂടെ ഇക്കാര്യം മനസിലാക്കാന് സാധിക്കുമെന്നും ശൈലജ ടീച്ചര് മാതൃഭൂമി ന്യൂസിനോട് പറഞ്ഞു.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
മൂന്ന് ദിവസത്തനകം റാപ്പിഡ് ടെസ്റ്റ് ആരംഭിക്കാന് കഴിയുമെന്നാണ് പ്രതീക്ഷിക്കുന്നത്. ഉപകരണങ്ങള് എത്താനുള്ള കാലതാമസം മൂലമാണ് ടെസ്റ്റ് വൈകുന്നത്. ഉപകരണങ്ങള് വന്നുതുടങ്ങിയാല് ഉടന് റാപ്പിഡ് ടെസ്റ്റ് ആരംഭിക്കുമെന്നും മന്ത്രി പറഞ്ഞു.
ഒരു തവണ റാപ്പിഡ് ടെസ്റ്റ് നടത്തിയാല് പരിശോധനാഫലം നെഗറ്റീവ് ആണോ പോസ്റ്റീവ് ആണോ എന്ന് അന്തിമമായി പറയാനാകില്ല. രോഗികളുടെ എണ്ണം ക്രമാതീതമായി വര്ധിക്കുന്നത് പ്രതിസന്ധി സൃഷ്ടിക്കുന്നുണ്ടെന്നും ആരോഗ്യമന്ത്രി പറഞ്ഞു.