രാജ്യത്ത് 24 മണിക്കൂറിനിടെ കൊവിഡ് 19 സ്ഥിരീകരിച്ചത് 4,213 പേര്‍ക്ക്. ഇതോടെ വൈറസ് ബാധിതരുടെ എണ്ണം 67,152 ആയി. 97 പേര്‍ മരിച്ചു, ആകെ മരണസംഖ്യ 2,206. ഒറ്റദിവസം രാജ്യത്ത് ഇത്രയും കൊവിഡ് കോസുകള്‍ റിപ്പോര്‍ട്ട് ചെയ്യുന്നത് ആദ്യമായാണ്.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

ഒരു ദിവസം കൊണ്ട് മഹാരാഷ്ട്രയില്‍ രോഗം സ്ഥിരീകരിച്ചത് 1,934 പേര്‍ക്കാണ്. ആകെ കൊവിഡ് ബാധിതര്‍ 22,171. സംസ്ഥാനത്ത് മരിച്ചവരുടെ എണ്ണം 832 ആയി. മുംബൈയില്‍ മാത്രം 875 പുതിയ കേസുകള്‍ റിപ്പോര്‍ട്ട് ചെയ്തു. തമിഴ്‌നാട്- 669, ഗുജറാത്ത്-398, ഡല്‍ഹി 381 എന്നിങ്ങനെയാണ് സംസ്ഥാനങ്ങളില്‍ പുതിയ കേസുകള്‍ റിപ്പോര്‍ട്ട് ചെയ്തത്.

ലോക്ക് ഡൗണ്‍ മൂന്നാം ഘട്ടം അവസാനിക്കുന്നതോടെ കൂടുതല്‍ ഇളവുകള്‍ അനുവദിക്കുന്നതിനെ കുറിച്ച് സര്‍ക്കാര്‍ ആലോചിക്കുന്നതിനിടെയാണ് രോഗികളുടെ എണ്ണം കുത്തനെ വര്‍ധിച്ചിരിക്കുന്നത്. ചൊവ്വാഴ്ച മുതല്‍ പ്രത്യേക ട്രെയിന്‍ സര്‍വീസുകള്‍ ആരംഭിക്കുമെന്ന് റെയില്‍വേ അറിയിച്ചിരുന്നു. പ്രധാനമന്ത്രി നരേന്ദ്രമോദി ഇന്ന് സംസ്ഥാനങ്ങളിലെ മുഖ്യമന്ത്രിമാരുമായി വീഡിയോ കോണ്‍ഫറന്‍സിങ് വഴി ചര്‍ച്ച നടത്തുന്നുണ്ട്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം