ഹോളിഫെയ്ത്ത് എച്ച്ടുഒ ഫ്‌ളാറ്റ് സമുച്ചയം നിലനിന്നിരുന്ന ഭൂമി ഇപ്പോഴും തങ്ങളുടേത് തന്നെയെന്ന് ഫ്‌ളാറ്റ് ഉടമകള്‍. സര്‍ക്കാരിനോട് കെട്ടിടാവശിഷ്ടങ്ങള്‍ ഉടന്‍ നീക്കം ചെയ്യാന്‍ ആവശ്യപ്പെടുമെന്നും, ഭൂമി ഏറ്റെടുക്കുമെന്നും ഉടമകള്‍ പറഞ്ഞതായി ദ ന്യൂ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തു. ഇത് സംബന്ധിച്ച കാര്യങ്ങള്‍ തീരുമാനിക്കുന്നതിനായി ഉടമകള്‍ ചേര്‍ന്ന് എച്ച്ടുഒ ലാന്‍ഡ് ഓണേര്‍സ് എന്ന അസോസിയേഷന്‍ രൂപീകരിച്ചിട്ടുണ്ട്.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
'നിയമവിരുദ്ധമായ നിര്‍മാണ പ്രവര്‍ത്തനം ചൂണ്ടിക്കാട്ടിയാണ് സുപ്രീംകോടതി കെട്ടിടം പൊളിക്കാന്‍ ഉത്തരവിട്ടത്. ഒന്നര ഏക്കര്‍ വരുന്ന ഭൂമി ഇപ്പോഴും ഉടമസ്ഥരുടെ പേരിലാണ്. സര്‍ക്കാരിന് ഒരിക്കലും അതില്‍ അവകാശമുന്നയിക്കാനാകില്ല. കെട്ടിടം മാത്രമാണ് തുക തന്ന് സര്‍ക്കാര്‍ ഏറ്റെടുത്തത്. ഭൂമി തങ്ങളില്‍ നിന്ന് സര്‍ക്കാര്‍ സ്വന്തമാക്കിയിട്ടില്ല', ഉടമകളില്‍ ഒരാളായ ഷംസുദ്ദീന്‍ ഇന്ത്യന്‍ എക്‌സ്പ്രസിനോട് പറഞ്ഞു.
ഫ്‌ളാറ്റ് പൊളിച്ചപ്പോഴുണ്ടായ കെട്ടിടാവശിഷ്ടങ്ങള്‍ നീക്കിയാലുടനെ, ഫ്‌ളാറ്റ് നിലനിന്നിരുന്നിടത്ത് താല്‍കാലികമായ കെട്ടിടം പണിയുമെന്നാണ് ഉടമസ്ഥര്‍ അറിയിച്ചിരിക്കുന്നത്. പുതിയ നിയമം അനുസരിച്ച് കെട്ടിടം പണിയാന്‍ പെര്‍മിറ്റിനായി അപേക്ഷ നല്‍കിയിട്ടുണ്ടെന്നും ഉടമസ്ഥര്‍ പറഞ്ഞു. എന്നാല്‍ 25 ലക്ഷം രൂപ നഷ്ടപരിഹാരം നല്‍കിയതിലൂടെ ഫ്‌ളാറ്റ് ഉടമകള്‍ക്ക് ഭൂമിക്കുമേലുണ്ടായിരുന്ന അവകാശവും ഇല്ലാതായെന്നാണ് അധികൃതരുടെ വാദം.