ബീവറേജസ് കോര്പറേഷന് ഔട്ട്ലെറ്റുകളില് ലഭ്യമായവയില് നിരക്ക് കുറഞ്ഞ മദ്യ ബ്രാന്ഡുകളിലൊന്നാണ് വൈഫൈ ഡീലക്സ് ബ്രാന്ഡി. ഒരു ലിറ്ററിന് 320 രൂപയാണ് വില. എന്നാല് വൈ ഫൈ ഡീലക്സ് ബ്രാന്ഡി 750 മില്ലിലിറ്ററിന്റെ വിലയാകട്ടെ 420 രൂപ. ചെറിയ കുപ്പിക്ക് വലിയ കുപ്പിയേക്കാള് നൂറ് രൂപ കൂടുതല്. കമ്പനി ടെന്ഡര് വിളിക്കുന്ന തുകയ്ക്ക് അനുസരിച്ച് വരുന്ന മാറ്റമാണ് കൗതുകകരമായ ഈ വ്യത്യാസത്തിന് കാരണമെന്ന് ബെവ്കോ പറയുന്നു.
ബോട്ടിലുകള് ബെവ്കോയില് എത്തിക്കാനുള്ള ലാന്ഡഡ് കോസ്റ്റ് ഉണ്ട്. വൈഫൈ ഡീലക്സ് ബ്രാന്ഡി 750 മില്ലിയുടേതിന് ലാന്ഡഡ് കോസ്റ്റ് കൂട്ടിയാണ് വെച്ചിരിക്കുന്നത്.ബെവ്കോ
കമ്പനി തന്നെ ക്വോട്ട് ചെയ്യുന്ന റേറ്റില് ചെറിയ വ്യത്യാസമാണെങ്കിലും നികുതി ചേര്ക്കുമ്പോള് വ്യത്യാസം വലുതാകും. ടെന്ഡര് സമയത്ത് ഒരു ലിറ്ററിന്റെ ലാന്ഡഡ് കോസ്റ്റ് കുറവായും 750 മില്ലീ ലിറ്ററിന് കൂടുതലുമായാണ് തന്നിരിക്കുന്നത്. അപ്പോള് സ്വാഭാവികമായും ഷോപ്പ് സെല്ലിങ് പ്രൈസ് ലിറ്ററിന് കുറയുകയും ചെറിയ ബോട്ടിലിന്റേത് കൂടുകയും ചെയ്യും. ഒമ്പത് ലിറ്ററാണ് ഒരു കെയ്സ്. 750 മില്ലിയുടെ കെയ്സിന് കമ്പനി കൂടുതല് വിലയാണ് ഇടുന്നത്. ബിസിനസ് പിടിക്കാനായി കമ്പനികള് ഇങ്ങനെ ചെയ്യാറുണ്ട്. പിന്നെയുള്ള സാധ്യത ക്ലെറിക്കല് തെറ്റാണ്. ക്ലെറിക്കല് മിസ്റ്റേക്ക് ആണെങ്കില് തന്നെ ടെന്ഡര് ആ തുകയ്ക്ക് വിളിച്ചതുകൊണ്ട് തങ്ങള്ക്ക് വേറെ മാറ്റങ്ങള് വരുത്താന് കഴിയില്ലെന്നും ബെവ്കോ ഉദ്യോഗസ്ഥര് വ്യക്തമാക്കി.