തമിഴ് സിനിമാതാരം വിജയ്‌യെ ആദായ നികുതി വകുപ്പ് ചോദ്യം ചെയ്യുന്നത് തുടരുമ്പോള്‍ ട്വിറ്ററില്‍ ട്രെന്‍ഡിംഗായി വി സ്റ്റാന്‍ഡ് വിത്ത് വിജയ് ഹാഷ് ടാഗ്. മൂന്ന് ലക്ഷത്തി ഇരുപതിനായിരത്തിലേറെ ട്വീറ്റുകളാണ് We stand with Vijay എന്ന ഹാഷ്ടാഗില്‍ ഇതുവരെ ഉണ്ടായിരിക്കുന്നത്. ട്വിറ്റര്‍ ട്രെന്‍ഡിംഗില്‍ അഞ്ചാമതെത്തിയിരിക്കുകയാണ് ഈ ഹാഷ് ടാഗ്.നടന് പിന്‍തുണയുമായി ആയിരക്കണക്കിനാളുകളാണ് ഓരോ മണിക്കൂറുകളിലും ട്വീറ്റ് ചെയ്യുന്നത്. ,ബിജെപിയെ വെല്ലുവിളിച്ച് സിനിമാ സീനുകളും ട്രോളുകളും ട്വീറ്റ് ചെയ്യപ്പെടുന്നുണ്ട്.

തളപതി ഫാന്‍സ് ഹാന്‍ഡിലിലെ ട്വീറ്റ് ഇങ്ങനെ

വിജയ് സിനിമാ രംഗത്തെക്ക് കാല്‍വെപ്പ് നടത്തിയപ്പോള്‍ നിരവധി പേരാണ് അദ്ദേഹത്തെ അപമാനിച്ച് രംഗത്തെത്തിയത്. എന്നാല്‍ അതുകൊണ്ടൊന്നും അദ്ദേഹം പിന്‍മാറിയില്ല. അങ്ങനെയായിരുന്നു തളപതിയുടെ വളര്‍ച്ച. അപമാനിച്ചവരോടൊന്നും അദ്ദേഹം പ്രതികാരത്തിന് പോയിട്ടുമില്ല. അതിനാലാണ് ഞങ്ങള്‍ അദ്ദേഹത്തെ തങ്ക തളപതിയെന്ന് വിളിക്കുന്നത്. We Stand With Vijay

ബുധനാഴ്ച മാസ്റ്റര്‍ എന്ന സിനിമയുടെ ലൊക്കേഷനില്‍ നിന്ന് ചെന്നൈയിലെ വീട്ടിലെത്തിച്ച് ആദായ നികുതി വിഭാഗം നടത്തിവരുന്ന ചോദ്യം ചെയ്യല്‍ ഇതിനകം 18 മണിക്കൂര്‍ പിന്നിട്ടു. ബിഗില്‍ എന്ന ചിത്രം നിര്‍മ്മിച്ച എജിഎസ് ഫിലിംസിന്റെ സാമ്പത്തിക ഇടപാടുകളുമായി ബന്ധപ്പെട്ടാണ് റെയ്ഡും ചോദ്യം ചെയ്യലും. എജിഎസ് ഫിലിംസില്‍ കഴിഞ്ഞദിവസം പരിശോധന നടന്നിരുന്നു വിജയ് യുടെ ചെന്നൈയിലെ വീടുകളിലും സാലിഗ്രാമത്തും നീലാങ്കരയിലുമുള്ള വസതികളിലും തിരച്ചില്‍ നടന്നു.

ദ ക്യു വീഡിയോ പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം