ട്രെയിന്‍ യാത്രക്കിടെ കാണാതായ മകളെ കിട്ടിയെന്ന് അച്ഛന്‍ ശിവജി. കഴിഞ്ഞ ദിവസം ഫേസ്ബുക്കിലൂടെ മകളെ കാണാനില്ലെന്ന് അറിയിച്ച് സഹായമഭ്യര്‍ത്ഥിച്ച വയനാട്ടിലെ ശിവജിയാണ് മകളെ കണ്ടുകിട്ടിയ വിവരം പങ്കുവച്ചത്. ചോറ്റാനിക്കരയുള്ള അമ്മവീട്ടില്‍ നിന്നും വയനാട് കാക്കവയലുള്ള വീട്ടിലേക്ക് വെള്ളിയാഴ്ച രാത്രിയില്‍ തിരിച്ച വിഷ്ണുപ്രിയ കോഴിക്കോട്ട് ട്രെയിന്‍ ഇറങ്ങിയിട്ടില്ലെന്ന് കണ്ടെത്തിയതോടെയാണ് ശിവജി പോലീസിനെ സമീപിച്ചത്. ഫേസ്ബുക്ക് പോസ്റ്റിലൂടെ എല്ലാവര്‍ക്കും ശിവജി നന്ദിയറിയിച്ചു.