സംസ്ഥാനത്തെ മദ്യവില്‍പ്പന ശാലകള്‍ ഞായറാഴ്ച തുറന്നുപ്രവര്‍ത്തിക്കും. ബെവ്‌റേജസ് ഔട്ട്‌ലെറ്റുകള്‍, ബാറുകള്‍, കള്ളുഷാപ്പുകള്‍ എന്നിവ തുറക്കും. എന്നാല്‍ ബാറുകളില്‍ മദ്യവില്‍പ്പന മാത്രമായിരിക്കും. ലോക്ക് ഡൗണ്‍ നിയന്ത്രണങ്ങളില്‍ സര്‍ക്കാര്‍ ഇളവ് പ്രഖ്യാപിച്ചിരിക്കുന്ന സാഹചര്യത്തിലാണ് നടപടി. മുന്‍പത്തെ ഞായറാഴ്ചകളില്‍ സമ്പൂര്‍ണ്ണ ലോക്ക്ഡൗണ്‍ ആയിരുന്നു. അതിനാല്‍ ഇവ തുറന്ന് പ്രവര്‍ത്തിച്ചിരുന്നില്ല.

വിവിധ പരീക്ഷകള്‍ നടക്കുന്ന സാഹചര്യത്തിലാണ് ഞായറാഴ്ച ഇളവുകള്‍ പ്രഖ്യാപിച്ചത്. വിവിധ കോഴ്‌സുകളിലേക്കുള്ള പ്രവേശന പരീക്ഷകളും ഞായറാഴ്ച നടക്കുന്നുണ്ട്. സംസ്ഥാനത്ത് 576 ബാറുകളും, 291 ബിയര്‍ വില്‍പ്പന കേന്ദ്രങ്ങളും, 265 ബെവ്‌കോ ഷോപ്പുകളും,36 കണ്‍സ്യൂമര്‍ഫെഡ് ശാലകളുമാണ്‌ മദ്യവിതരണം നടത്തുന്നത്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം