കോണ്ഗ്രസില് ചേരണമെന്ന ക്ഷണം നിരസിച്ച് തെരഞ്ഞെടുപ്പ് നയതന്ത്രജ്ഞന് പ്രശാന്ത് കിഷോര്. കോണ്ഗ്രസ് വക്താവ് രണ്ദീപ് സിംഗ് സുര്ജെവാലെയാണ് ഇക്കാര്യം അറിയിച്ചത്.
പ്രശാന്ത് കിഷോര് സമര്പ്പിച്ച നിര്ദേശങ്ങള്ക്ക് മേലുള്ള ചര്ച്ചയ്ക്ക് പിന്നാലെ കോണ്ഗ്രസ് പ്രസിഡന്റ് എംപവേഡ് ആക്ഷന് ഗ്രൂപ്പ് 2024 രൂപവത്കരിക്കുകയും നിര്ണായക ചുമതലകളുള്ള ഈ സമിതിയുടെ ഭാഗമാകാനും പാര്ട്ടിയില് ചേരാനും അദ്ദേഹത്തെ ക്ഷണിക്കുകയും ചെയ്തു. എന്നാല് അദ്ദേഹം അത് നിരസിച്ചു. പ്രശാന്ത് കിഷോര് പാര്ട്ടിക്ക് നല്കിയ ഉപദേശങ്ങള്ക്ക് നന്ദി,' സുര്ജേവാല ട്വീറ്റ് ചെയ്തു.
നേരത്തെ പ്രശാന്ത് കിഷോര് കോണ്ഗ്രസില് ചേരുമെന്ന തരത്തിലുള്ള അഭ്യൂഹങ്ങള് പ്രചരിച്ചിരുന്നു. തിങ്കളാഴ്ച സോണിയ ഗാന്ധിയുടെ വസതയില് ചേര്ന്ന യോഗത്തിന് പിന്നാലെ സുര്ജെവാല നടത്തിയ വാര്ത്താസമ്മേളനത്തില് പ്രശാന്ത് കിഷോര് കോണ്ഗ്രസില് ചേരുന്നത് സംബന്ധിച്ച് ഉയര്ന്ന ചോദ്യങ്ങള്ക്ക് മറുപടി നല്കിയിരുന്നില്ല.