വേദിയിലും സദസിലും ഒരു വനിത പോലുമില്ലാതെ വനിതാ കോളേജ് ഉദ്ഘാടനം ചെയ്ത രാജ്‌മോഹന്‍ ഉണ്ണിത്താനെ ട്രോളി സോഷ്യല്‍ മീഡിയ.
കാസര്‍ഗോഡ് പൊയ്യത്തബയില്‍ മണവാട്ടിബീവി വിമന്‍സ് കോളേജ് ഉദ്ഘാടനം ചെയ്യുന്ന രാജ്‌മോഹന്‍ ഉണ്ണിത്താന്റെ ചിത്രം വലിയ പരിഹാസമാണ് നേരിടുന്നത്. അദ്ദേഹം തന്നെയാണ് ചിത്രം ഫേസ്ബുക്കില്‍ പങ്കുവെച്ചത്.
വനിതാ കോളേജ് ഉദ്ഘാടനത്തിന് വേദിയിലും സദസിലും ഒരു വനിതപോലുമില്ലേ എന്ന് ചോദിച്ചാണ് ട്രോളുകള്‍. വേദിയിലും സദസ്സിലും തിങ്ങി നിറഞ്ഞു നില്‍ക്കുന്ന വനിതകള്‍ക്ക് എന്റെ പേരിലും കുടുംബത്തിന്റെ പേരിലും അകമഴിഞ്ഞ നന്ദി പ്രകാശിപ്പിക്കുന്നു, കോളേജ് മാറിപ്പോയോ എന്നൊരു സംശയം, വനിതയെ കണ്ടു പിടിക്കൂ, സമ്മാനം നേടൂ,
വനിതാ കോളേജ് ആണേ... ആ ഇരിക്കുന്നത് മൊത്തം വനിതകളാണേ... ആരും തെറ്റിദ്ധരിക്കരുതെ,
സ്റ്റേജിലും സദസ്സിലും ഇരിക്കുന്ന 'വനിതകളാണോ' അവിടെ പഠിക്കുന്നത് ഉണ്ണിത്താന്‍ സാറെ,
രാജ്‌മോഹന്‍ ഉണ്ണിത്താന്‍ പ്രബുദ്ധ കേരളത്തില്‍ ഉദ്ഘാടനം ചെയ്യുന്ന വനിതാ കോളേജ്.. ഇതില്‍ വനിതയെ കണ്ടു പിടിക്കുന്നവര്‍ക്ക് ഒരു പവന്‍ സമ്മാനം തുടങ്ങിയ കമന്റുകളാണ് ഉണ്ണിത്താന്റെ പോസ്റ്റിന് കീഴെ വരുന്നത്.