നടിയെ ആക്രമിച്ച കേസില് പ്രതിയായ നടന് ദിലീപ് സാക്ഷിയെ സ്വാധീനിക്കാന് ശ്രമിച്ചുവെന്ന് പ്രോസിക്യൂഷന്. അഭിഭാഷകന് വഴിയാണ് കേസിലെ പ്രധാന സാക്ഷിയെ സ്വാധീനിക്കാന് ശ്രമിച്ചത്. നടന് ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന് കോടതിയില് ആവശ്യപ്പെട്ടു.
ജാമ്യം റദ്ദാക്കണമെന്ന പ്രോസിക്യൂഷന്റെ അപേക്ഷ കോടതി ചൊവ്വാഴ്ച പരിഗണിക്കും. ദിലീപിനെതിരെ മൊഴി നല്കിയ സാക്ഷികള് കോടതിയില് മാറ്റി പറഞ്ഞിരുന്നു. പ്രധാന സാക്ഷിയും മൊഴി മാറ്റിയതോടെയാണ് പ്രോസിക്യൂഷന്റെ നീക്കം.
നടിയെ ആക്രമിച്ച കേസില് വിചാരണ കാലാവധി നീട്ടി നല്കാന് ജഡ്ജി ആവശ്യപ്പെട്ടിരുന്നു. ഇത് പരിഗണിച്ച സുപ്രീംകോടതി ആറുമാസം കൂടി അനുവദിച്ചിരുന്നു. ആറുമാസം കൊണ്ട് വിചാരണ പൂര്ത്തിയാക്കാനാണ് സുപ്രീംകോടതി നിര്ദേശിച്ചിരുന്നത്. കൊവിഡും ലോക്ഡൗണും കാരണം വിചാരണ പൂര്ത്തിയാക്കാനായില്ലെന്ന് കാണിച്ചായിരുന്നു സുപ്രീംകോടതിയെ സമീപിച്ചത്. അടുത്ത വര്ഷം ഫെബ്രുവരിയോടെ കേസിലെ വിചാരണ പൂര്ത്തിയാകുമെന്നാണ് പ്രതീക്ഷിക്കുന്നത്.