അറബിക്കടലില്‍ രൂപം കൊണ്ട ന്യൂനമര്‍ദ്ദം ശക്തിപ്രാപിച്ചതിനാല്‍ സംസ്ഥാനത്ത് മഴ ശക്തമായി. ഇന്നലെ രാത്രി മുതല്‍ കൊച്ചിയില്‍ അതിതീവ്ര മഴയാണ്. തിരുവനന്തപുരം, എറണാകുളം, കോട്ടയം, തൃശൂര്‍, പാലക്കാട്, മലപ്പുറം, വയനാട് ജില്ലകളില്‍ റെഡ് അലര്‍ട്ട് പ്രഖ്യാപിച്ചു. അഞ്ച് ദിവസം കൂടി ശക്തമായ മഴ തുടരുമെന്ന് കാലാവസ്ഥ നിരീക്ഷണം കേന്ദ്രം അറിയിച്ചു. ആദ്യ മഴയില്‍ തന്നെ കൊച്ചി വെള്ളക്കെട്ടിലായപ്പോള്‍ കുഴങ്ങിയത് സാധാരണക്കാരാണ്. റോഡുകളില്‍ വെള്ളം നിറഞ്ഞതോടെ ഗതാഗതമാര്‍ഗങ്ങള്‍ തടസപ്പെട്ടു. വ്യാപാര സ്ഥാപനങ്ങളില്‍ വെള്ളം കയറി, നടക്കാന്‍ പോലും വഴിയില്ലാതായ കൊച്ചി ഇടപ്പള്ളിയില്‍ നിന്നുള്ള കാഴ്ച..

‘ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം