ഓണ്ലൈന് റമ്മി കളിയില് 21 ലക്ഷം രൂപ നഷ്ടപ്പെട്ട യുവാവ് ആത്മഹത്യ ചെയ്ത നിലയില്. തിരുവനന്തപുരം കുറ്റിച്ചല് സ്വദേശി വിനീതാണ് തൂങ്ങിമരിച്ചത്. സ്വകാര്യ ലോണ് കമ്പനികളില് നിന്നും കടമെടുത്താണ് റമ്മി കളിച്ചിരുന്നത്. കളിയില് നഷ്ടം വന്നതോടെ ലക്ഷണക്കണക്കിന് രൂപയുടെ ബാധ്യതയുണ്ടായി.
ഐ.എസ്.ആര്. ഒയിലെ കരാര് ജീവനക്കാരാനായിരുന്നു വിനീത്. ലോക്ഡൗണ് തുടങ്ങിയതോടെയാണ് ഓണ്ലൈന് റമ്മി കളിയില് വിനീത് സജീവമായത്. കടം പെരുകിയതോടെയാണ് ബന്ധുക്കളോട് വിനീത് ഇക്കാര്യം അറിയിച്ചത്. കുറച്ച് തുക തിരിച്ചടച്ചു.
കട ബാധ്യത ഏറിയതോടെ വിനീത് ഒരുമാസം മുമ്പ് വീട് വിട്ടു. പൊലീസ് കണ്ടെത്തി വീട്ടിലെത്തിക്കുകയായിരുന്നു. വിഷാദരോഗമുണ്ടായിരുന്നതായും ബന്ധുക്കള് പറയുന്നു.