തിരുവനന്തപുരം: മോഹനന്‍ വൈദ്യരെ (65) മരിച്ച നിലയില്‍ ബന്ധു വീട്ടില്‍ കണ്ടെത്തി. ശനിയാഴ്ച വൈകിട്ട് എട്ടു മണിയോടെയാണ് മൃതദേഹം കണ്ടെത്തിയത് എന്നാണ് റിപ്പോര്‍ട്ടുകള്‍. മോഹനന്‍ നായര്‍ എന്നാണ് യഥാര്‍ത്ഥ പേര്
രണ്ട് ദിവസമായി മോഹനന്‍ വൈദ്യരും മകനും ബന്ധുവീട്ടില്‍ ഉണ്ടായിരുന്നു എന്നാണ് പ്രാഥമിക വിവരങ്ങള്‍. രാവിലെ തന്നെ മോഹനന്‍ വൈദ്യര്‍ക്ക് പനിയും ശ്വാസ തടസവും ഉണ്ടായിരുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
മൃതദേഹം തിരുവനന്തപുരം മെഡിക്കല്‍ കോളേജിലേക്ക് മാറ്റി. അശാസ്ത്രീയ ചികില്‍സാ നിര്‍ദ്ദേശങ്ങളെത്തുടര്‍ന്ന് മോഹനന്‍ വൈദ്യര്‍ക്കെതിരെ കേസുകള്‍ നിലവിലുണ്ട്.