Around us

ആദിവാസി യുവാവിനെ വാഹനമോഷണക്കേസില്‍ പ്രതിയാക്കിയ സംഭവം; കേസെടുത്ത് എസ് സി-എസ് ടി കമ്മീഷൻ

സൈക്കിള്‍ പോലും ഓടിക്കാനറിയാത്ത ആദിവാസി യുവാവിനെ പോലീസ് കാറ് മോഷണക്കേസില്‍ പ്രതിയാക്കിയെന്ന പരാതിയില്‍ സ്വമേധയാ കേസെടുത്ത് സംസ്ഥാന പട്ടികജാതി പട്ടികഗോത്രവര്‍ഗ്ഗ കമ്മീഷന്‍.വയനാട് മീനങ്ങാടി അപ്പാട് അത്തിക്കടവ് പണിയ കോളനിയിലെ ദീപുവിനെ കാര്‍ മോഷ്ടിച്ചുവെന്നാരോപിച്ചാണ് പോലീസ് അറസ്റ്റ് ചെയ്തത്. വയനാട് ജില്ലാ പോലീസ് മേധാവിയോട് കമ്മീഷന്‍ റിപ്പോര്‍ട്ട് തേടി. സംഭവത്തെക്കുറിച്ച് അന്വേഷിച്ച് പത്ത് ദിവസത്തിനുള്ള റിപ്പോര്‍ട്ട് സമര്‍പ്പിക്കാനാണ് നിര്‍ദേശം നല്‍കിയിരിക്കുന്നത്.

നവംബര്‍ അഞ്ചിനായിരുന്നു ദീപുവിന്റെ അറസ്റ്റ്. സുല്‍ത്താന്‍ബത്തേരിയില്‍ കാറില്‍ ചാരി നിന്ന ദീപു കാറ് മോഷ്ടിക്കാന്‍ ശ്രമിച്ചുവെന്ന് ഉടമ പരാതി നല്‍കുകയായിരുന്നു. ഇയാള്‍ ദീപുവിനെ മര്‍ദ്ദിച്ചതായും ആരോപണമുണ്ട്. പിറ്റേ ദിവസം സ്റ്റേഷനിലെത്തിയ ബന്ധുക്കളോട് ദീപു കുറ്റം സമ്മതിച്ചതായി പോലീസ് അറിയിച്ചു. മോഷ്ടിച്ച കാര്‍ ദീപു രണ്ട് കിലോമീറ്ററോളം ഓടിച്ച് കൊണ്ടു പോയെന്നാണ് മഹസില്‍ പോലീസ് രേഖപ്പെടുത്തിയിരിക്കുന്നത്.

രണ്ട് കേസുകളില്‍ കൂടി ദീപു പ്രതിയാണെന്നാണ് പോലീസ് ബന്ധുക്കളെ അറിയിച്ചിട്ടുള്ളത്. ഒക്ടോബര്‍ 30ന് മോഷ്ടിച്ച ബൈക്ക് തള്ളി മീനങ്ങാടി സ്റ്റേഡിയത്തിന് സമീപം കൊണ്ടുവച്ചു, നവംബര്‍ 2ന് വീട് കുത്തിത്തുറന്ന് മൊബൈല്‍ ഫോണും സ്വര്‍ണവും പണവും മോഷ്ടിച്ചുവെന്നുമാണ് കേസുകള്‍. എല്ലാ കുറ്റങ്ങളും ദീപു സമ്മതിച്ചിട്ടുണ്ടെന്നാണ് പോലീസിന്റെ വാദം. പരാതി അന്വേഷിക്കുന്നതിന് മുമ്പ് തന്നെ ദീപുവിനെ പോലീസ് പ്രതി ചേര്‍ത്തുവെന്നാരോപിച്ച് കുടുംബാംഗങ്ങളും ആദിവാസി വനിതാ പ്രസ്ഥാനവും പ്രതിഷേധിച്ചിരുന്നു.

ഒരു താറാവ് കറിയിൽ നിന്ന് പിറന്ന സിനിമ; 'എ ഡക്ക് ടെയിൽ' IFFK വേദിയിലേക്ക്: സംവിധായകൻ അരുൺ വർഗീസ് അഭിമുഖം

സംഗീതത്തിന് ഭാഷയുടെ അതിർവരമ്പുകളില്ല: സിദ് ശ്രീറാം

എമിറേറ്റ്സ് ലേബർ മാർക്കറ്റ് അവാർഡിൽ ഒന്നാം സ്ഥാനം നേടി ബുർജീൽ ഹോസ്പിറ്റൽ; പുരസ്കാരം ഏറ്റുവാങ്ങി ഡോ. ഷംഷീർ വയലിൽ

പ്രേക്ഷകരെ ഭ്രമിപ്പിച്ച് 90-ൽ നിന്നും 145 തിയറ്ററുകളിലേക്ക്; 'ഭൗമ' രണ്ടാം വാരത്തിലേക്ക്

ക്യാമ്പസ് സൗഹൃദവും പ്രണയവും ആഘോഷമാക്കി 'മെറി ബോയ്സ്'; ട്രെയിലർ പുറത്തിറങ്ങി

SCROLL FOR NEXT