പ്രധാനമന്ത്രി നരേന്ദ്രമോദിയെ പുകഴ്ത്തി രംഗത്തെത്തിയ സുപ്രീംകോടതി ജഡ്ജി അരുണ് മിശ്രയെ വിമര്ശിച്ച് മുന് ജസ്റ്റിസ് മാര്ക്കണ്ഡേയ കട്ജു. 'സുപ്രീംകോടതി ജഡ്ജി എങ്ങനെയായിരിക്കണം? അരുണ് മിശ്രയെ പോലെയായിരിക്കണമെന്നും മാര്ക്കണ്ഡേയ കട്ജു ട്വീറ്റ് ചെയ്തു.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
അന്താരാഷ്ട്ര ജുഡീഷ്യല് കോണ്ഫറന്സ് ഉദ്ഘാടന വേദിയിലായിരുന്നു ജസ്റ്റിസ് അരുണ് മിശ്ര പ്രധാനമന്ത്രി നരേന്ദ്രമോദിയെ പുകഴ്ത്തിയത്. മോദി അന്താരാഷ്ട്ര പ്രശസ്തി നേടിയ ദാര്ശികനാണ്, ആഗോളതലത്തില് ചിന്തിക്കുകയും പ്രാദേശികമായി പ്രവര്ത്തിക്കുകയും ചെയ്യുന്ന ബഹുമുഖ പ്രതിഭയാണ് മോദിയെന്നും അരുണ് മിശ്ര പറഞ്ഞു.
മോദി സര്ക്കാര് അധികാരത്തില് വന്നശേഷം നിയമമന്ത്രി രവിശങ്കര് പ്രസാദിന്റെ സഹകരണത്തോടെ 1500 കാലഹരണപ്പെട്ട നിയമങ്ങളെങ്കിലും എടുത്ത് കളഞ്ഞെന്നും, മോദിയുടെ കാലത്ത് ഇന്ത്യ, ലോകരാജ്യങ്ങള്ക്കിടയില് ഉത്തരവാദിത്തമുള്ള അംഗമായി മാറിയെന്നും ജസ്റ്റിസ് അരുണ് മിശ്ര പറഞ്ഞിരുന്നു.