നടി മഞ്ജു വാര്യര് സംവിധായകന് സനല്കുമാര് ശശിധരനെതിരെ നല്കിയ പരാതിയുടെ വിവരങ്ങള് പുറത്ത്. പ്രതി പിന്തുടര്ന്ന് ശല്യപ്പെടുത്തിയെന്നതുള്പ്പെടെ ഗുരുതരമായ ആരോപണങ്ങള് മഞ്ജു പരാതിയില് ഉന്നയിച്ചു.
സനല്കുമാര് ശശിധരന് പിന്തുടര്ന്ന് ശല്യപ്പെടുത്തുകയും ഇ-മെയിലിലൂടെയും സാമൂഹ്യ മാധ്യമങ്ങളിലൂടെയും ഫോണിലൂടെയും ബന്ധുക്കളും സുഹൃത്തുക്കളും വഴി നിരന്തരം പ്രണയാഭ്യര്ത്ഥന നടത്തുകയും ചെയ്തു. ഇത് നിരസിച്ചതിലുള്ള വിരോധം കാരണം പ്രതി പിന്തുടര്ന്ന് വീണ്ടും ശല്യപ്പെടുത്തിയെന്നും മഞ്ജു വാര്യര്. പൊലീസ് എഫ്.ഐ.ആറില് ഈ വിവരങ്ങള് ഉള്പ്പെട്ടിട്ടുണ്ട്.
മഞ്ജു നായികയായ കയറ്റം എന്ന സിനിമയുടെ സംവിധായകനാണ് സനല്കുമാര് ശശിധരന്.
കേസില് നെയ്യാറ്റിന്കരയില് നിന്ന് സനല്കുമാറിനെ വ്യാഴാഴ്ച പൊലീസ് കസ്റ്റഡിയില് എടുത്തിരുന്നു.