അയോധ്യയില് രാമക്ഷേത്രം നിര്മ്മിക്കുന്നതിനെ അനുകൂലിച്ച് രംഗത്തെത്തിയ കോണ്ഗ്രസ് നേതാക്കളെ വിമര്ശിച്ച് അബ്ദുള് നാസര് മഅദനി. 'റാവുമാര് പിന്ഗാമികളിലൂടെ പുനര്ജനിക്കുന്നു' എന്നായിരുന്നു മഅദനി തന്റെ ഫെയ്സ്ബുക്കില് കുറിച്ചത്.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
അയോധ്യയിലെ രാമക്ഷേത്രനിര്മ്മാണത്തിന് തുടക്കം കുറിച്ച് ഇന്ന് നടക്കുന്ന ഭൂമി പൂജയ്ക്ക് ആശംസയറിയിച്ച് എഐസിസി ജനറല് സെക്രട്ടറി പ്രിയങ്കാ ഗാന്ധിയടക്കം രംഗത്തെത്തിയിരുന്നു. ഇതിന്റെ പശ്ചാത്തലത്തിലായിരുന്നു മഅദനിയുടെ വിമര്ശനം.
ദേശീയ ഐക്യത്തിനുള്ള അവസരമാണ് ഭൂമി പൂജയെന്നായിരുന്നു പ്രിയങ്കാ ഗാന്ധിയുടെ ട്വീറ്റ്. സൗഹൃദവും സാഹോദര്യവും ഉറപ്പിക്കാനും സാംസ്കാരികമായ ഒത്തുചേരലിനുമുള്ള അവസരമാണിത്. രാമന് എല്ലാവരുടെതുമാണ്, എല്ലാവര്ക്കൊപ്പവും രാമനുണ്ടെന്നും, ഇന്ത്യന് ഉപഭൂഖണ്ഡത്തിലെ ഐക്യത്തിന്റെ ഉറവിടമായിരുന്നു രാമനെന്നും പ്രിയങ്ക ട്വിറ്ററില് കുറിച്ചിരുന്നു.