തദ്ദേശ തെരഞ്ഞെടുപ്പിന്റെ വോട്ടെണ്ണല് രാവിലെ 8 മണിക്ക് ആരംഭിക്കും. 244 കേന്ദ്രങ്ങളിലായാണ് വോട്ടെണ്ണല്. ഉച്ചയോടെ മുഴുവന് ഫലവും അറിയാന് സാധിക്കുമെന്നാണ് തെരഞ്ഞെടുപ്പ് കമ്മീഷന് അറിയിച്ചത്. കൊവിഡ് ബാധിതര്ക്ക് വിതരണം ചെയ്ത സ്പെഷ്യല് തപാല്വോട്ടുകള് ഉള്പ്പടെയുള്ള തപാല് വോട്ടുകളാണ് ആദ്യം എണ്ണുന്നത്.
ത്രിതല പഞ്ചായത്തുകളിലെ വോട്ടെണ്ണല് ബ്ലോക്ക് തലത്തിലുള്ള വിതരണ, സ്വീകരണ കേന്ദ്രങ്ങളില് നടക്കും. മുനിസിപ്പാലിറ്റികളിലും കോര്പ്പറേഷനുകളിലും അതത് സ്ഥാപനങ്ങളുടെ വിതരണ സ്വീകരണ കേന്ദ്രങ്ങളില് വോട്ടെണ്ണും. ഗ്രാമപ്പഞ്ചായത്തുകളിലെയും ബ്ലോക്ക് പഞ്ചായത്തുകളിലെയും ജില്ലാ പഞ്ചായത്തുകളിലെയും പോസ്റ്റല് വോട്ടുകള് അതത് വരണാധികാരികളാണ് എണ്ണുക.
കൗണ്ടിങ് പാസ് ലഭിച്ചിട്ടുള്ള കൗണ്ടിങ് ഏജന്റുമാര്ക്ക് മാത്രമാകും കൗണ്ടിങ് ഹാളില് പ്രവേശിക്കാന് അനുമതി. സ്ഥാനാര്ത്ഥിക്കും ചീഫ് ഇലക്ഷന് ഏജന്റിനും ബ്ലോക്ക് വരണാധികാരിക്ക് കീഴിലുള്ള ഒരാള്ക്കും കൗണ്ടിങ് ഹാളില് പ്രവേശനം അനുവദിക്കും. കൗണ്ടിങ് ഓഫീസര്മാര് കൈയുറയും മാസ്കും ഫേസ് ഷീല്ഡും ധരിച്ചിരിക്കണം.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
വോട്ടെണ്ണല് വിവരങ്ങള് trend.kerala.gov.in എന്ന വെബ്സൈറ്റില് തത്സമയം അറിയാമെന്ന് സംസ്ഥാന തെരഞ്ഞെടുപ്പ് കമ്മീഷന് അറിയിച്ചു. ഫലം, വോട്ടെണ്ണല് തുടങ്ങുന്നത് മുതലുള്ള പുരോഗതി എന്നിവ പിആര്ഡി ലൈവ് എന്ന മൊബൈല് ആപ്പിലൂടെയും അറിയാന് സാധിക്കും.