കരിപ്പൂരില്‍ വിമാനം റണ്‍വേയില്‍ നിന്നും തെന്നിമാറിയത് പ്രതികൂല കാലാവസ്ഥ കാരണമെന്ന് സൂചന. ലാന്‍ഡിങ്് സമയത്ത് കനത്ത മഴയായിരുന്നു. പൈലറ്റിന് റണ്‍വേ കാണാന്‍ പറ്റിയില്ലെന്നാണ് റിപ്പോര്‍ട്ട്. വിമാനം റണ്‍വേയില്‍ നിന്നും തെന്നിമാറിയാണ് അപകടം.
ദുബായ്- കരിപ്പൂര്‍ വിമാനമാണ് അപകടത്തില്‍പ്പെട്ടത്. പൈലറ്റ് ഉള്‍പ്പെടെ രണ്ട് പേര്‍ മരിച്ചുവെന്നാണ് റിപ്പോര്‍ട്ട്. ഗുരുതരമായി പരിക്കേറ്റവരെ മഞ്ചേരി മെഡിക്കല്‍ കോളേജില്‍ പ്രവേശിപ്പിച്ചിരിക്കുകയാണ്.
191 പേരാണ് വിമാനത്തിലുണ്ടായിരുന്നത്. 10 കുട്ടികളും ഉണ്ടായിരുന്നു. വിമാനം രണ്ടായി പിളര്‍ന്നുവെന്നാണ് റിപ്പോര്‍ട്ട്. കോക്ക്പിറ്റും മുന്‍വാതിലും തകര്‍ന്നു.