വിവാദ പ്രസ്താവന നടത്തിയത് ഒരാള്‍ മാത്രമാണെന്നും, ആ പ്രസ്താവന പിന്‍വലിച്ചാല്‍ പ്രശ്‌നം അവസാനിക്കുമെന്നും കാന്തപുരം എപി അബൂബക്കര്‍ മുസ്‌ലിയാര്‍. മുസ്ലീങ്ങളുടെ ഭാഗത്ത് നിന്ന് യാതൊരു പ്രശ്‌നവും ഉണ്ടായിട്ടില്ലെന്നും അദ്ദേഹം പറഞ്ഞു.
തിരുവനന്തപുരത്ത് ക്ലിമ്മിസ് ബാവ വിളിച്ചുചേര്‍ത്ത യോഗത്തില്‍ മുസ്ലീം സംഘടനകള്‍ പങ്കെടുക്കില്ലെന്നും കാന്തപുരം പറഞ്ഞു. പാലാ ബിഷപ്പ് പ്രസ്താവന പിന്‍വലിക്കണമെന്ന് കഴിഞ്ഞ ദിവസവും കാന്തപുരം ആവശ്യപ്പെട്ടിരുന്നു.
അതേസമയം കര്‍ദിനാല്‍ ക്ലിമ്മിസ് ബാവ വിളിച്ചു ചേര്‍ത്ത മതമേലധ്യക്ഷന്മാരുടെ യോഗത്തില്‍ സമസ്ത, ദക്ഷിണ കേരള ജംഇയ്യത്തുല്‍ ഉലമ, ജമാഅത്തെ ഇസ്ലാമി തുടങ്ങിയ സംഘടകള്‍ പങ്കെടുക്കില്ല. പാലാ ബിഷപ്പ് വിവാദ പ്രസ്താവന പിന്‍വലിച്ച ശേഷമാണ് ചര്‍ച്ച നടത്തേണ്ടതെന്ന നിലപാടിലാണ് സംഘടനകള്‍.