നടിയെ ആക്രമിച്ച കേസിലെ ഒന്നാം പ്രതി പള്‍സര്‍ സുനിയുടെ ജാമ്യം റദ്ദാക്കി ഹൈക്കോടതി. തുടരന്വേഷണം നടക്കുന്ന ഈ ഘട്ടത്തില്‍ ജാമ്യം നല്‍കാന്‍ ആവില്ലെന്ന് കോടതി വിലയിരുത്തിയ ശേഷമാണ് ജാമ്യാപേക്ഷ തള്ളിയത്.
ജസ്റ്റിസ് പിവി കുഞ്ഞികൃഷ്ണന്‍ അധ്യക്ഷനായ സിംഗിള്‍ ബെഞ്ചാണ് ജാമ്യാപേക്ഷ തള്ളിയത്. ജയിലില്‍ സുരക്ഷാ ഭീഷണിയുണ്ടെന്ന് കാണിച്ചാണ് പള്‍സര്‍ സുനി കോടതിയില്‍ ജാമ്യാപേക്ഷ നല്‍കിയത്.
നടി ആക്രമിച്ച കേസില്‍ തുടരന്വേഷണത്തന്റെ ഭാഗമായി ഇന്ന് നടന്‍ ദിലീപിനെ വീണ്ടും ക്രൈംബ്രാഞ്ച് ചോദ്യം ചെയ്യും. ചോദ്യം ചെയ്യലിനായി ദിലീപ് ക്രൈം ബ്രാഞ്ച് ഓഫീസിലെത്തി. കഴിഞ്ഞ ദിവസവും ദിലീപ് ചോദ്യം ചെയ്യലിന് ഹാജരായിരുന്നു. ഏഴ് മണിക്കൂറോളമാണ് ഐജി ശ്രീജിത്തിന്റെ നേതൃത്വത്തില്‍ ചോദ്യം ചെയ്യുന്നത്.