തിരുവനന്തപുരം: തിരുവോണ ദിവസം പട്ടിണി സമരത്തിനൊരുങ്ങി റേഷന്‍ കട വ്യാപാരികള്‍. ഭക്ഷ്യക്കിറ്റ് വിതരണത്തിന്റെ ഭാഗമായുള്ള കുടിശ്ശിക തീര്‍ക്കാത്തതില്‍ പ്രതിഷേധിച്ചാണ് റേഷന്‍ കട വ്യാപാരികളുടെ സമരം.
കമ്മീഷന്‍ ഇനത്തില്‍ 51 കോടിയോളം കുടിശ്ശിക സര്‍ക്കാര്‍ കൊടുക്കാനുണ്ടെന്നാണ് റേഷന്‍ വ്യാപാരികള്‍ പറയുന്നത്. കഴിഞ്ഞ പത്ത് മാസമായി ഭക്ഷ്യക്കിറ്റ് വിതരണത്തിന്റെ കമ്മീഷന്‍ മുടങ്ങിക്കിടക്കുകയാണെന്നും റേഷന്‍ ഡീലേഴ്‌സ് ആരോപിക്കുന്നു.
കഴിഞ്ഞ ദിവസം ആരംഭിച്ച ഓണക്കിറ്റിന്റെ വിതരണ ഉദ്ഘാടനം പ്രഹസനമാണെന്നും ചടങ്ങില്‍ നിന്ന് വിട്ടു നില്‍ക്കുമെന്നും അസോസിയേഷന്‍ പ്രഖ്യാപിച്ചു.
പ്രതിഷേധത്തിന്റെ പശ്ചാത്തലത്തില്‍ ഓണക്കിറ്റ് വിതരണം മുടങ്ങില്ല. സൂചന സമരം ഫലം കണ്ടില്ലെങ്കില്‍ ഹൈക്കോടതിയെ സമീപിക്കാനാണ് റേഷന്‍ ഡീലേഴ്‌സ് അസോസിയേഷന്‍ തയ്യാറെടുക്കുന്നത്.