Around us

കോട്ടയത്ത് സംസ്‌കാരം തടഞ്ഞ ബിജെപി കൗണ്‍സിലര്‍ക്കെതിരെ കേസെടുത്തു

കോട്ടയം മുട്ടമ്പലത്ത് കൊവിഡ് ബാധിച്ച് മരിച്ചയാളുടെ സംസ്‌കാരം തടഞ്ഞ ബിജെപി കൗണ്‍സിലര്‍ ടിഎന്‍ ഹരികുമാറിനെതിരെ പൊലീസ് കേസെടുത്തു. കണ്ടാലറിയാവുന്ന 30 പേര്‍ക്കെതിരെയും കേസുണ്ട്. ചുങ്കം സ്വദേശി ഔസേഫ് ജോര്‍ജിന്റെ സംസ്‌കാരമാണ് ബിജെപി കൗണ്‍സിലറുടെ നേതൃത്വത്തില്‍ തടഞ്ഞത്. അതേസമയം വന്‍ പൊലീസ് സന്നാഹത്തെ വിന്യസിച്ച് സംസ്‌കാരം മുട്ടമ്പലം ശ്മശാനത്തില്‍ തന്നെ രാത്രി വൈകി നടത്തി.

ശനിയാഴ്ചയായിരുന്നു 83 കാരനായ ഔസേഫ് ജോര്‍ജിന്റെ വിയോഗം. മരണശേഷമാണ് ഇദ്ദേഹത്തിന് കൊവിഡ് സ്ഥിരീകരിച്ചത്. എന്നാല്‍ ബിജെപി വാര്‍ഡ് കൗണ്‍സിലര്‍ ഹരികുമാറിന്റെ നേതൃത്വത്തില്‍ ശ്മശാനത്തിലേക്കുള്ള വഴി അടച്ചുകെട്ടി സംസ്‌കാരത്തിന് എത്തിക്കുന്നത് തടയുകയായിരുന്നു.

തുടര്‍ന്ന് പ്രദേശവാസികള്‍ റോഡില്‍ കുത്തിയിരുന്നു. ജില്ലാ ഭരണകൂടത്തിലെ മുതിര്‍ന്ന ഉദ്യോഗസ്ഥരും തിരുവഞ്ചൂര്‍ രാധാകൃഷ്ണന്‍ എംഎല്‍എ ഉള്‍പ്പെടെയുള്ള ജനപ്രതിനിധികളും സ്ഥലത്തെത്തി പ്രതിഷേധക്കാരോട് ആശയവിനിമയം നടത്തിയെങ്കിലും ഇവര്‍ പിന്‍മാറാന്‍ കൂട്ടാക്കിയില്ല. ഇവരെ പിന്‍തിരിപ്പിക്കാന്‍ മണിക്കൂറുകള്‍ നീണ്ട പരിശ്രമം വേണ്ടിവന്നു. തുടര്‍ന്ന് കൂടുതല്‍ പൊലീസുകാരെ സ്ഥലത്തെത്തിച്ച് മൃതദേഹം സംസ്‌കരിക്കുകയായിരുന്നു.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT