എക്സ്റ്റിപോള്‍ ഫലങ്ങള്‍ ശരിവച്ച് നരേന്ദ്രമോദിയുടെ നേതൃത്വത്തിലുള്ള എന്‍ഡിഎ ഭരണത്തുടര്‍ച്ചയിലേക്ക് നീങ്ങുമ്പോള്‍ ആഘോഷത്തിന് തുടക്കമിട്ടിരിക്കുകയാണ് രാജ്യത്തെ ബിജെപി കേന്ദ്രങ്ങള്‍. ഉത്തര്‍പ്രദേശ്, രാജസ്ഥാന്‍, ബിഹാര്‍, കര്‍ണാടക എന്നിവിടങ്ങളില്‍ തരംഗമുണ്ടാക്കിയിരിക്കുകയാണ് ബിജെപി. അഹമ്മദാബാദിലും, ബംഗളൂരുവിലും ബിജെപി ആസ്ഥാനത്ത് പ്രവര്‍ത്തകര്‍ ആഘോഷം തുടങ്ങിയിരിക്കുകയാണ്.
ബോളിവുഡ് ഗാനങ്ങളുടെ അകമ്പടിയില്‍ ചൗക്കിദാര്‍ ഫിര്‍സേ എന്നെഴുതിയ ടീഷര്‍ട്ട് ധരിച്ചാണ് ബിജെപി ഡല്‍ഹി ആസ്ഥാനത്തിന് മുന്നില്‍ പ്രവര്‍ത്തകരുടെ ആഹ്ലാദപ്രകടനം.
പുറത്തുവന്ന പത്തിലേറെ എക്‌സിറ്റ് പോളുകളില്‍ മിക്കവരും ബിജെപി നേതൃത്വത്തിലുള്ള എന്‍ഡിഎ മൂന്നൂറിന് മുകളിലേക്ക് സീറ്റുകള്‍ സ്വന്തമാക്കുമെന്ന് പ്രവചിച്ചിരുന്നു. 150ല്‍ താഴെ സീറ്റുകളാണ് ഈ സര്‍വേകള്‍ യുപിഎ സഖ്യത്തിന് പ്രവചിച്ചിരുന്നത്. 2014ല്‍ ബിജെപി 282 സീറ്റുകളാണ് നേടിയിരുന്നത്.