സംസ്ഥാനത്ത് നാല് ജില്ലകളില് ശനിയാഴ്ച കൊവിഡ് വാക്സിന് ഡ്രൈ റണ് നടത്താന് തീരുമാനം. തിരുവനന്തപുരം, പാലക്കാട്, ഇടുക്കി, വയനാട് എന്നിവിടങ്ങളിലാണ് ഡ്രൈ റണ് നടക്കുക. തിരുവനന്തപുരത്ത് മൂന്ന് ഇടങ്ങളിലും മറ്റ് ജില്ലകളില് ഒരോ ഇടത്തുമാണ് ഡ്രൈ റണ്.
ജനുവരി 2 മുതല് എല്ലാ സംസ്ഥാനങ്ങളിലും വാക്സിന് ഡ്രൈ റണ് നടക്കുമെന്ന് കേന്ദ്ര ആരോഗ്യമന്ത്രാലയ വക്താക്കള് കഴിഞ്ഞ ദിവസം നടന്ന ഉന്നതതല യോഗത്തിന് ശേഷം വ്യക്തമാക്കിയിരുന്നു. പഞ്ചാബ്, അസം, ആന്ധ്രാപ്രദേശ്, ഗുജറാത്ത് എന്നീ സംസ്ഥാനങ്ങളില് കഴിഞ്ഞ ദിവസം ഡ്രൈ റണ് വിജയകരമായി നടത്തിയിരുന്നു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കൊവിന് ആപ്ലിക്കേഷനില് സൗകര്യങ്ങള് ഒരുക്കുക, വാക്സിന് സ്വീകര്ത്താക്കളെ നിശ്ചയിക്കുക, വാക്സിന് വിതരണ സംവിധാനം സജ്ജമാക്കല്, സെഷന് സൈറ്റ് സൃഷ്ടിക്കുക, സൈറ്റുകളുടെ മാപ്പിംഗ്, ജില്ലകളില് വാക്സിന് സ്വീകരിക്കുന്നതും വാക്സിനേഷന് അനുവദിക്കുന്നതുമായി ബന്ധപ്പെട്ട കാര്യങ്ങളുടെ അവലോകനം, വാക്സിന് ടീമിനെ വിന്യസിക്കല്, വാകിസിനേഷന് നടത്തുന്നതിന്റെ മോക്ക് ഡ്രില് തുടങ്ങിയവയാണ് ഡ്രൈ റണ്ണില് ഉള്പ്പെടുന്നത്.
Covid Vaccine Dry Run In Four Districts