നടി ആക്രമിക്കപ്പെട്ട കേസില് സര്ക്കാര് എല്ലാ ഘട്ടത്തിലും അതിജീവിതക്ക് ഒപ്പമെന്ന് മുഖ്യമന്ത്രി. പ്രതിപക്ഷത്തിന്റെ ആരോപണങ്ങള് തൃക്കാക്കര തെരഞ്ഞെടുപ്പിലെ പരാജയ ഭീതി മൂലമാണെന്നും മുഖ്യമന്ത്രി പറഞ്ഞു.
കേസില് നീതി ഉറപ്പാക്കും. കേസ് കൃത്യമായി മുന്നോട്ട് പോകണമെന്ന നിലപാടാണ് സര്ക്കാരിന്റേത്. എത്ര ഉന്നതനായാലും കേസിന് മുന്നില് വിലപ്പോവില്ല എന്നത് അറസ്റ്റോടെ വ്യക്തമായി. യു.ഡി.എഫ് ആയിരുന്നെങ്കില് അത്തരം അറസ്റ്റ് നടക്കുമായിരുന്നോ?. വിസ്മയയ്ക്കും ഉത്രയ്ക്കും നീതി ഉറപ്പാക്കാന് സര്ക്കാരിന് കഴിഞ്ഞു.
നടിയെ ആക്രമിച്ച കേസില് അറസ്റ്റ് അടക്കം എല്ലാം കാര്യക്ഷമമായി നടന്നു. കുറ്റക്കാരെ വിലങ്ങണിയിച്ചത് എല്.ഡി.എഫ് സര്ക്കാരാണ്. യു.ഡി.എഫ് ആയിരുന്നെങ്കില് അറസ്റ്റ് നടക്കില്ലായിരുന്നു എന്നും മുഖ്യമന്ത്രി പറഞ്ഞു.