കൈക്കൂലി വാഗ്ദാനം ചെയ്ത കേന്ദ്ര ആഭ്യന്തര മന്ത്രാലയത്തിലെ ഉദ്യോഗസ്ഥനെ സിബിഐ പിടികൂടി. ആഭ്യന്തര മന്ത്രി അമിത് ഷായുടെ ഓഫീസിലെ സെക്ഷന്‍ ഓഫീസര്‍ ധീരജ് സിങ്ങിനെയാണ് വീട്ടില്‍ വെച്ച് 16 ലക്ഷം രൂപ കൈക്കൂലി ഓഫര്‍ ചെയ്തതിന് സിബിഐ അറസ്റ്റ് ചെയ്തത്.
ഒരു കേസില്‍ വഴിവിട്ട ഇടപെടല്‍ നടത്താനായി മുതിര്‍ന്ന ഒരു ഏജന്‍സി ഓഫീസര്‍ക്ക് ധീരജ് 16 ലക്ഷം രൂപ വാഗ്ദാനം ചെയ്‌തെന്നാണ് കേസ്. പിടികൂടുന്ന സമയത്ത് ധീരജിന്റെ പക്കല്‍ 70 ലക്ഷം രൂപ പണമായി ഉണ്ടായിരുന്നെന്ന് സിബിഐ പറഞ്ഞു. ഐപിഎസ് ഓഫീസര്‍മാരുടെ പട്ടിക തയ്യാറാക്കലും നിയമനവുമായി ബന്ധപ്പെട്ട സെക്ഷനിലാണ് ധീരജ് സിങ്ങിന്റെ ജോലി.