കേരള പൊലീസിലെ വെടിയുണ്ടകള്‍ കാണാതായെന്ന സിഎജി റിപ്പോര്‍ട്ടിന്റെ അടിസ്ഥാനത്തില്‍ അന്വേഷണത്തിനായി പ്രത്യേക സംഘത്തെ നിയോഗിച്ചു. ഐജി ശ്രീജിത്തിന്റെ നേതൃത്വത്തിലാണ് അന്വേഷണം. ക്രൈം ബ്രാഞ്ച് എസ്പി നവാസിനാണ് അന്വേഷണ ചുമതല.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
12,061 വെടിയുണ്ടകള്‍ കാണാതായെന്നാണ് സി എ ജി റിപ്പോര്‍ട്ട്. റൈഫികളുകളും കാണാതായെന്ന് സിഎജി റിപ്പോര്‍ട്ടിലുണ്ടായിരുന്നു. തോക്കുകള്‍ നഷ്ടപ്പെട്ടിട്ടില്ലെന്നാണ് ക്രൈം ബ്രാഞ്ച് മേധാവി ടോമിന്‍ ജെ തച്ചങ്കരിയുടെ നേതൃത്വത്തില്‍ നടത്തിയ പരിശോധനയ്ക്ക് ശേഷം വ്യക്തമാക്കിയത്. വെടിയുണ്ടകള്‍ കാണാതായ സംഭവത്തില്‍ രണ്ട് മാസത്തിനകം റിപ്പോര്‍ട്ട് സമര്‍പ്പിക്കുമെന്നാണ് ടോമിന്‍ ജെ തച്ചങ്കരി വ്യക്തമാക്കിയിട്ടുള്ളത്.
പൊലീസിനെതിരെ സിഎജി റിപ്പോര്‍ട്ടിലെ പരാമര്‍ശങ്ങള്‍ അന്വേഷിക്കാന്‍ സര്‍ക്കാര്‍ നിര്‍ദേശം നല്‍കിയിരുന്നു. മുഖ്യമന്ത്രി പിണറായി വിജയന്‍ ആഭ്യന്തര സെക്രട്ടറിക്കാണ് നിര്‍ദേശം നല്‍കിയിരിക്കുന്നത്. സിഎജി റിപ്പോര്‍ട്ട് പബ്ലിക് അക്കൗണ്ട്സ് കമ്മിറ്റി പരിശോധിച്ചാല്‍ മതിയെന്ന നിലപാടായിരുന്നു നേരത്തെ സംസ്ഥാന സര്‍ക്കാര്‍ സ്വീകരിച്ചത്. സംഭവത്തില്‍ സിബിഐ അന്വേഷണം വേണമെന്ന നിലപാടിലാണ് പ്രതിപക്ഷം.