നടന് ജോജു ജോര്ജിന്റെ കാര് തകര്ത്ത കേസില് കോണ്ഗ്രസ് നേതാക്കള്ക്ക് ജാമ്യം. ടോണി ചമ്മണി ഉള്പ്പടെ അഞ്ച് പേര്ക്കാണ് ജാമ്യം അനുവദിച്ചിരിക്കുന്നത്. കാറിനുണ്ടായ നഷ്ടത്തിന്റ 50 ശതമാനം കെട്ടിവെക്കണമെന്ന ഉപാധിയിലാണ് ജാമ്യം അനുവദിച്ചിരിക്കുന്നത്. ഇതനുസരിച്ച് ഒരാള് 37,500 രൂപ വീതം കെട്ടി വെക്കണം. 50,000 രൂപയുടെ രണ്ട് ആള് ജാമ്യവും നല്കണം.
കാറിന്റെ മൊത്തം വിലയുടെ 50 ശതമാനം കെട്ടണമെന്നായിരുന്നു പ്രോസിക്യൂഷന് വാദം. ഇത് തള്ളിയ കോടതി, നാശനഷ്ടത്തിന്റെ 50 ശതമാനം കെട്ടിവെച്ച് ജാമ്യം അനുവദിക്കുകയായിരുന്നു. കാറിന്റെ അറ്റകുറ്റപ്പണിക്ക് ആറരലക്ഷം രൂപ ചെലവ് വരുമെന്നാണ് കോടതിക്ക് കൈമാറിയ റിപ്പോര്ട്ടിലുള്ളത്.
നേതാക്കള് നാളെ രാവിലെ പത്തരയോടെ ജയിലില് നിന്നിറങ്ങും. രണ്ടാം പ്രതി ജോസഫിന്റെ ജാമ്യാപേക്ഷയില് കൂടുതല് വാദം കേള്ക്കാന് 12ലേക്ക് മാറ്റി.