സിപിഐഎം നേതാവ് കെകെ ശൈലജയെ മന്ത്രിസഭയിലേക്ക് തിരികെ കൊണ്ടുവരണമെന്ന് നടി പാര്‍വതി തിരുവോത്ത്. ആരോഗ്യ അടിയന്തരാവസ്ഥയുടെ കാലത്ത് സംസ്ഥാനത്തെ നയിച്ചത് കെകെ ശൈലജ ടീച്ചറാണ്.

ഈ കാലഘട്ടത്തിലെ തന്നെ കഴിവുറ്റ നേതാക്കളില്‍ ഒരാളാണ് ശൈലജ ടീച്ചര്‍. മഹാഭൂരിപക്ഷത്തിലാണ് ടീച്ചറിനെ ജനം തെരഞ്ഞെടുത്തത്. അവരെ തിരികെ കൊണ്ടുവരണമെന്ന് പാര്‍വതി ആവശ്യപ്പെട്ടത്.

സംസ്ഥാനം കൊവിഡിന്റെ രണ്ടാം തരംഗ നേരിടുമ്പോള്‍ സിപിഐഎം ടീച്ചറെ വിപ്പിന്റെ റോളിലേക്ക് മാറ്റുന്നു. ഇത് സത്യം തന്നെയാണോ? പാര്‍വതി ചോദിച്ചു.

ജനങ്ങള്‍ തെരഞ്ഞെടുത്ത നേതാവിനെ മാറ്റിനിര്‍ത്തുന്നത് ശരിയല്ലെന്നും പാര്‍വതി കൂട്ടിച്ചേര്‍ത്തു. നേരത്തെ നടി റിമ കല്ലിങ്കലും കെകെ ശൈലജയെ മാറ്റിയ തീരുമാനത്തില്‍ വിമര്‍ശനവുമായി മുന്നോട്ട് വന്നിരുന്നു.