എ.എ.റഹീം ഡിവൈഎഫ്‌ഐ ദേശീയ പ്രസിഡന്റ്. ഇന്ന് ചേര്‍ന്ന കേന്ദ്രകമ്മിറ്റി യോഗത്തിലാണ് ഇതുസംബന്ധിച്ച അന്തിമതീരുമാനമുണ്ടായത്. മന്ത്രി പി.എ.മുഹമ്മദ് റിയാസ് അധ്യക്ഷ സ്ഥാനം ഒഴിഞ്ഞതിനെ തുടര്‍ന്നാണ് ഡിവൈഎഫ്‌ഐ സംസ്ഥാന അധ്യക്ഷന്‍ കൂടിയായ എ.എ.റഹീം ഈ സ്ഥാനത്തേക്ക് എത്തുന്നത്.

പ്രസിഡന്റായിരുന്ന മുഹമ്മദ് റിയാസ് നിലവില്‍ കേരള എല്‍.ഡി.എഫ് സര്‍ക്കാരില്‍ മന്ത്രിയായതിനാല്‍, ഡിവൈഎഫ്‌ഐയുടെ അഖിലേന്ത്യാ പ്രസിഡന്റായി എ.എ.റഹീം പ്രവര്‍ത്തിക്കുമെന്ന് കേന്ദ്രകമ്മിറ്റി യോഗത്തിന് ശേഷം അറിയിച്ചു.

2017ലായിരുന്നു ഡിവൈഎഫ്‌ഐ അഖിലേന്ത്യാ പ്രസിഡന്റായി മുഹമ്മദ് റിയാസിനെ തെരഞ്ഞെടുത്തത്. അതിന് മുമ്പ് നിലവില്‍ സ്പീക്കറായ എം.ബി.രാജേഷായിരുന്നു അധ്യക്ഷന്‍.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം