എന്റർപ്രണേഴ്സ് അസോസിയേഷൻ ഓഫ് ഇന്ത്യ (EAI) ഡൽഹിൽ നടത്തിയ ഭാരത് എന്റർപ്രണർഷിപ്പ് സമ്മിറ്റ് 2025ൽ കേരളത്തിൽനിന്നുള്ള പെർഫ്യൂം ബ്രാൻഡ് ആയ മെയ്ക്ക് യുവർ ഓൺ പെർഫ്യൂം (Make Your Own Perfume-MYOP) ക്ക് അം​ഗീകാരം. പെർഫ്യൂം മേഖലയിൽ MYOPയുടെ ശ്രദ്ധേയ സംഭാവന അടിസ്ഥാനമാക്കിയാണ് പുരസ്കാരം.

രാജ്യത്തെ ആദ്യത്തെ പെർഫ്യും ബാർ ബ്രാൻഡാണ് MYOP. ഓരോ സംസ്ഥാനത്തുനിന്നും തെരഞ്ഞെടുക്കപ്പെട്ട രണ്ട് സംരംഭങ്ങൾക്കായിരുന്നു അം​ഗീകാരങ്ങൾ. ഡൽഹി വ്യവസായ മന്ത്രി മഞ്ജീന്ദർ സിം​ഗ് സിർസയിൽനിന്ന് MYOP സഹസ്ഥാപകൻ നവീദ് വിവി പുരസ്കാരം ഏറ്റുവാങ്ങി.

50% സുഗന്ധ എണ്ണ അടങ്ങിയതിനാൽ ഉയർന്ന ​ഗുണമേന്മയും കൂടുതൽ നേരം നിലനിൽക്കുന്ന സു​ഗന്ധവും അവകാശപ്പെടുന്ന MYOP ക്ക് വിവിധ ഭാ​ഗങ്ങളിലായി 59 സ്റ്റോറുകൾ ഉണ്ട്. ബ്രാൻഡിന്റെ പുതിയ ശാഖകൾ ഡൽഹിയിലും ലക്നൗവിലും തുടങ്ങി.

രാജ്യത്തെ ബിസിനസ് ഭാവിയെക്കുറിച്ചുള്ള ചർച്ചാ വേദിയായിരുന്നു ഭാരത് എന്റർപ്രണർഷിപ്പ് സമ്മിറ്റ്. രാജ്യത്തെ വിവിധ ഭാ​ഗങ്ങളിലുള്ള വ്യവസായ-സംരംഭകരെ പങ്കെടുപ്പിച്ച് ഡൽഹി എൻഡിഎംസി കൺവെൻഷൻ സെന്ററിൽ സംഘടിപ്പിച്ച സമ്മിറ്റിൽ കാർഷിക, ഉൽപ്പാദന മേഖലകളിൽ ആയിരുന്നു പ്രത്യേക ഊന്നൽ. രാജ്യത്തെ ബിസിനസ് അന്തരീക്ഷം മെച്ചപ്പെടുത്തുക എന്നതായിരുന്നു മുഖ്യ ലക്ഷ്യം.