കൊടി പിടിച്ച് വിജയ്; തമിഴകത്തേക്ക് സിനിമാ രാഷ്ട്രീയം തിരികെയെത്തുന്നു
തമിഴ് സൂപ്പര്‍ താരം ദളപതി വിജയ് തന്റെ രാഷ്ട്രീയ പാര്‍ട്ടിയുടെ പതാക അവതരിപ്പിച്ചു കഴിഞ്ഞു. 2026 നിയമസഭാ തെരഞ്ഞെടുപ്പിനെ ലക്ഷ്യമിട്ടാണ് തമിഴക വെട്രി കഴകം എന്ന സ്വന്തം പാര്‍ട്ടിയെ അദ്ദേഹം അവതരിപ്പിക്കുന്നത്. സിനിമയുപേക്ഷിച്ച് മുഴുവന്‍ സമയ രാഷ്ട്രീയ പ്രവര്‍ത്തനത്തിനായി ഇറങ്ങുമെന്ന് നേരത്തേ വിജയ് പ്രഖ്യാപിച്ചിരുന്നു. വരാനിരിക്കുന്ന തെരഞ്ഞെടുപ്പില്‍ ഡിഎംകെയുടെ മുഖം മുഖ്യമന്ത്രി എം.കെ.സ്റ്റാലിന്റെ മകനും മന്ത്രിയുമായ ഉദയനിധി സ്റ്റാലിനായിരിക്കുമെന്ന് ഏകദേശം ഉറപ്പാണ്. ഉദയനിധിയും രാഷ്ട്രീയ ഭാവിക്കായി 2023ല്‍ തന്റെ സിനിമാ കരിയര്‍ അവസാനിപ്പിച്ചിരിക്കുകയാണ്. ശക്തമായ നേതൃനിരയില്ലാത്ത ബിജെപിയെ നയിക്കാന്‍ ഖുശ്ബൂ കൂടി എത്തുകയാണെങ്കില്‍ തമിഴ്‌നാട്ടിലേക്ക് സിനിമാ രാഷ്ട്രീയം വീണ്ടും മടങ്ങിയെത്തും. പക്ഷേ, മുന്‍കാലങ്ങളിലേതു പോലെയായിരിക്കില്ല അതിന്റെ സ്വഭാവം. ദളപതിയുടെ സിനിമാ രാഷ്ട്രീയം സൂപ്പര്‍ ഹിറ്റാകുമോ, അതോ ഫ്‌ളോപ്പാകുമോ?