മമ്മൂട്ടിയെ കേന്ദ്ര കഥാപാത്രമാക്കി ബി ഉണ്ണികൃഷ്ണന് സംവിധാനം ചെയ്യുന്ന കിസ്റ്റഫര്;'ബയോഗ്രാഫി ഓഫ് എ വിജിലന്റ് കോപ്പ് എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്ത് വന്നു. 'എവിടെ നിയമം അവസാനിക്കുന്നുവോ അവിടെ നീതി ആരംഭിക്കുന്നു' എന്ന ടാഗ് ലൈനോടു കൂടിയാണ് പോസ്റ്റര് പങ്കു വെച്ചിരിക്കുന്നത്. ത്രില്ലര് പശ്ചാത്തലത്തില് ഒരുങ്ങുന്ന ചിത്രത്തിന്റെ തിരക്കഥ ഉദയ കൃഷ്ണയാണ്.
ചിത്രത്തില് ഒരു പോലീസ് ഓഫീസറുടെ വേഷത്തിലാണ് മമ്മൂട്ടി എത്തുന്നത്. പൊലീസ് യൂണിഫോമിലല്ലെങ്കിലും ഒരു വയര്ലെസ് സെറ്റിന് അരികിലിരിക്കുന്ന മമ്മൂട്ടിയാണ് പോസ്റ്ററില്. ആറാട്ട് എന്ന ചിത്രത്തിന് ശേഷം ബി ഉണ്ണികൃഷ്ണന് സംവിധാനം ചെയ്യുന്ന ചിത്രം കൂടിയാണ് ക്രിസ്റ്റഫര്.
സ്നേഹ, അമലപോള്, ഐശ്വര്യ ലക്ഷ്മി എന്നിവര് നായികമാരാവുന്ന ചിത്രത്തില് സുപ്രധാന വേഷത്തില് തെന്നിന്ത്യന് താരം വിനയ് റായും എത്തുന്നുണ്ട്. വിനയ് റായ് ആദ്യമായി മലയാളത്തില് അഭിനയിക്കുന്ന ചിത്രം കൂടിയാണിത്. അതോടൊപ്പം ഷൈന് ടോം ചാക്കോ, ദിലീഷ് പോത്തന്, സിദ്ദീഖ്, ജിനു എബ്രഹാം, വിനീത കോശി, വാസന്തി തുടങ്ങി നിരവധി താരങ്ങളോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തിലുണ്ട്.
എറണാകുളം, പൂയംകുട്ടി, വണ്ടിപെരിയാര് എന്നിവിടങ്ങളിലായാണ് ചിത്രീകരണം പുരോഗമിക്കുന്നത്. ഓപ്പറേഷന് ജാവ ഒരുക്കിയ ഫൈസ് സിദ്ധിക്ക് ആണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. സുപ്രീം സുന്ദറാണ് ചിത്രത്തിന്റെ ആക്ഷന് രംഗങ്ങള് ഒരുക്കുന്നത്. തല്ലുമാലയില് ഉപയോഗിച്ചിരിക്കുന്ന മോക്കോ ബോട്ട് ക്യാമറ ചിത്രത്തിലെ സംഘട്ടനത്തില് ഉപയോഗിക്കുന്നുണ്ടെന്ന് സുപ്രീം സുന്ദര് ദ ക്യു സ്റ്റുഡിയോയ്ക്ക് നല്കിയ അഭിമുഖത്തില് പറഞ്ഞിരുന്നു.
സംഗീതം: ജസ്റ്റിന് വര്ഗീസ്, എഡിറ്റിംഗ്: മനോജ്, പ്രൊഡക്ഷന് കണ്ട്രോളര്: അരോമ മോഹന്, കലാ സംവിധാനം: ഷാജി നടുവില്, വസ്ത്രാലങ്കാരം: പ്രവീണ് വര്മ്മ, ചമയം: ജിതേഷ് പൊയ്യ, ആക്ഷന്: സുപ്രീം സുന്ദര്, ചീഫ് അസോസിയേറ്റ്: സുജിത്ത് സുരേഷ്, പി.ആര്.ഒ: പി.ശിവപ്രസാദ് & നിയാസ് നൗഷാദ്, മാര്ക്കറ്റിംങ്: ഒബ്സ്ക്യൂറ എന്റര്ടൈന്മെന്റ്സ്, സ്റ്റില്സ്: നവീന് മുരളി, ഡിസൈന്: കോളിന്സ് ലിയോഫില് എന്നിവരാണ് മറ്റ് അണിയറ പ്രവര്ത്തകര്