കെ.സുരേന്ദ്രൻ ജോലി തേടി ഇടവേളയെടുത്തപ്പോൾ യുവമോർച്ചയിലെത്തിച്ചു, പ്രസിഡന്റായപ്പോൾ ആദ്യം വിളിച്ചത് എന്നെ: എം.ടി രമേശ്

കെ.സുരേന്ദ്രനുമായുള്ള സൗഹൃദത്തിന്റെ ആഴം അടുത്ത് കണ്ടിട്ടുള്ളവരാണ് കേരളത്തിലെ ബിജെപി പ്രവർത്തകർ. ആ സൗഹൃദം ഒരു സുപ്രഭാതത്തിൽ ഇല്ലാതാവുന്നതല്ല. സുരേന്ദ്രൻ പ്രസിഡന്റായപ്പോൾ ആദ്യം വിളിച്ചത് തന്നെയാണ്. പക്ഷങ്ങളില്ലെന്ന് സുരേന്ദ്രനും തനിക്കും അറിയാം. പല വിഷയങ്ങളിലും അഭിപ്രായ വ്യത്യാസങ്ങളുണ്ടായിട്ടുണ്ട്. എങ്കിലും സുഹൃത്തുക്കളാണ്. കുടുംബങ്ങൾ തമ്മിലും നല്ല ബന്ധം. ബിജെപി സംസ്ഥാന ജനറൽ സെക്രട്ടറി എംടി രമേശുമായി ദ ക്യു എഡിറ്റർ മനീഷ് നാരായണൻ നടത്തിയ അഭിമുഖത്തിന്റെ രണ്ടാം ഭാഗം

സുരേഷ് ​ഗോപിയുടെ വിജയം അദ്ദേഹത്തിന്റെ വ്യക്തിപരമായ കഴിവിന്റെ കൂടി വിജയമാണ്, പക്ഷേ അത് കൊണ്ട് മാത്രം വിജയിക്കില്ലല്ലോ, നാളെ മമ്മൂട്ടിയോ മോഹൻലാലോ ഒരു മണ്ഡലത്തിൽ സ്വതന്ത്രരായി മത്സരിച്ചായി വിജയിക്കുമോ. തൃശൂരിൽ സുരേഷ് ​ഗോപിക്ക് സൃഷ്ടിച്ചെടുക്കാൻ സാധിച്ച ഒരു പ്രതിഛായ ഉണ്ട്. സുരേഷ് ​ഗോപിയുടെ സ്ഥാനാർത്ഥിത്വം ബിജെപിക്ക് തൃശൂരിൽ വലിയ അഡ്വാന്റേജായിരുന്നു. അതിനൊപ്പം പാർട്ടി

സംഘടനാ സംവിധാനം കാര്യമായി പ്രവർത്തിച്ചു. കേരളത്തിൽ മറ്റൊരു ഇടത്തും ചെയ്യാത്ത രീതിയിൽ ബൂത്ത് തലം മുതൽ സംഘടനാ സംവിധാനം കാര്യക്ഷമമായി പ്രവർത്തിച്ചു.