കന്യാസ്ത്രീയെ ബലാത്സംഗം ചെയ്ത കേസില് കോടതി വെറുതെ വിട്ടതില് നന്ദി പറഞ്ഞ് ബിഷപ്പ് ഫ്രാങ്കോ മുളയ്ക്കല്. വിധി കേട്ട് ബിഷപ്പ് ഫ്രാങ്കോ പൊട്ടിക്കരഞ്ഞു. കോടതി മുറയ്ക്കുള്ളില് നിന്നും പുറത്തിറങ്ങിയ ഫ്രാങ്കോ അഭിഭാഷകരെ ഉള്പ്പെടെ കെട്ടിപ്പിടിച്ചു. ദൈവത്തിന് സ്തുതിയെന്നും സത്യം ജയിക്കുമെന്ന് ഉറപ്പുണ്ടായിരുന്നുവെന്നും ഫ്രാങ്കോ മുളയ്ക്കല് പ്രതികരിച്ചു.
വാര്ത്തക്കുറിപ്പിലൂടെ ജലന്ധര് രൂപത നന്ദിയറിയിച്ചു. നിയമസഹായം നല്കിയവര്ക്കും പ്രാര്ത്ഥിച്ചവര്ക്കും നന്ദിയെന്ന് കോടതിക്ക് പുറത്ത് വിതരണം ചെയ്ത വാര്ത്താക്കുറിപ്പില് പറയുന്നു. മധുരവിതരണവും നടന്നു.
ഒറ്റവരിയിലായിരുന്നു വിധിപ്രസ്താവം. എല്ലാ കുറ്റങ്ങളില് നിന്നും ഫ്രാങ്കോ മുളയ്ക്കലിനെ വിമുക്തനാക്കി. ഏഴ് വകുപ്പുകളായിരുന്നു ഫ്രാങ്കോ മുളയ്ക്കലിനെതിരെ ചുമത്തിയിരുന്നത്.
