എളമരം കരീം, ബിനോയ് വിശ്വം എന്നിവര്‍ അടങ്ങുന്ന 12 രാജ്യസഭ എം.പിമാര്‍ക്ക് സസ്‌പെന്‍ഷന്‍. ഈ സമ്മേളനകാലത്തേക്കാണ് സസ്‌പെന്‍ഷന്‍.
കഴിഞ്ഞ സഭാ സമ്മേളനത്തിലെ പ്രതിഷേധത്തിന്റെ പേരിലാണ് നടപടി. അംഗങ്ങള്‍ സഭയുടെ അന്തസ് ഇടിച്ചു താഴ്ത്തുന്ന രീതിയില്‍ പെരുമാറിയെന്നാണ് ഉത്തരവില്‍ പറയുന്നത്.
പാര്‍ലമെന്റിനെയും ജനാധിപത്യത്തെയും ശ്വാസം മുട്ടിച്ച് കൊല്ലാനുള്ള സര്‍ക്കാര്‍ നടപടിക്ക് മുന്നില്‍ മുട്ടു മടക്കില്ലെന്ന് സംഭവത്തില്‍ ബിനോയ് വിശ്വം പ്രതികരിച്ചു.
ജനവികാരത്തെ മാനിക്കാത്ത സര്‍ക്കാര്‍ കര്‍ഷകരോട് മാപ്പ് പറഞ്ഞതുപോലെ നാളെ ജനങ്ങളോടും മാപ്പ് പറയേണ്ടി വരുമെന്ന് ബിനോയ് വിശ്വം പറഞ്ഞു.
വിവാദ കാര്‍ഷിക ബില്‍ ഇന്ന് ലോക്‌സഭയിലും രാജ്യസഭയിലും പിന്‍വലിച്ചിരുന്നു. ചര്‍ച്ചകള്‍ അനുവദിക്കാതെയാണ് കേന്ദ്ര സര്‍ക്കാര്‍ ബില്‍ പിന്‍വലിച്ചത്.
