എന്തെല്ലാം കാരണങ്ങള്‍ ഉള്‍പ്പെടുത്തിയാണ് ഐഷയ്‌ക്കെതിരെ രാജ്യദ്രോഹക്കുറ്റം ചുമത്തിയത്; കവരത്തി പൊലീസിനോട് ഹൈക്കോടതി

എന്തെല്ലാം കാരണങ്ങള്‍ ഉള്‍പ്പെടുത്തിയാണ് ഐഷയ്‌ക്കെതിരെ രാജ്യദ്രോഹക്കുറ്റം ചുമത്തിയത്; കവരത്തി പൊലീസിനോട് ഹൈക്കോടതി
Published on

കൊച്ചി: സംവിധായിക ഐഷ സുല്‍ത്താനയ്‌ക്കെതിരെ രാജ്യദ്രോഹക്കുറ്റം ചുമത്തിയതില്‍ കവരത്തി പൊലീസിനോട് പ്രതികരണം ആരാഞ്ഞ് ഹൈക്കോടതി. രാജ്യദ്രോഹക്കുറ്റം ചുമത്തിയതിനെതിരെ ഐഷ നല്‍കിയ മുന്‍കൂര്‍ ജാമ്യാപേക്ഷയിലാണ് പൊലീസിനോട് കോടതി വിശദീകരണം ആരാഞ്ഞത്.

എന്തെല്ലാം കാരണങ്ങള്‍ മുന്‍നിര്‍ത്തിയാണ് ഐഷക്കെതിരെ രാജ്യദ്രോഹക്കുറ്റം ചുമത്തിയതെന്നും കോടതി ചോദിച്ചത്. ജസ്റ്റിസ് അശോക് മേനോനാണ് മുന്‍കൂര്‍ ജാമ്യാപേക്ഷയുമായി ബന്ധപ്പെട്ട ഐഷയുടെ ഹരജി പരിഗണിച്ചത്.

ഐഷയുടെ ആവശ്യം കൂടി പരിഗണിച്ച് കോടതി കേസ് വ്യാഴാഴ്ചത്തേക്ക് മാറ്റിയിട്ടുണ്ട്. വ്യാഴാഴ്ചയ്ക്കകം മറുപടി നല്‍കാനാണ് പൊലീസിന് നിര്‍ദേശം നല്‍കിയിരിക്കുന്നത്.

'ബയോവെപ്പണ്‍' എന്ന തന്റെ പരാമര്‍ശം ബോധപൂര്‍വ്വമല്ലായിരുന്നു എന്നും ഐഷ സുല്‍ത്താന ഹരജയില്‍ ചൂണ്ടിക്കാട്ടി.

Related Stories

No stories found.
logo
The Cue
www.thecue.in