കോവിഡ് പടരുന്ന ഇക്കാലത്ത് യോഗ ശീലമാക്കണമെന്ന് പ്രധാനമന്ത്രി നരേന്ദ്രമോദി. പ്രതിരോധ ശേഷി കൂട്ടുന്നതിന് യോഗ സഹായിക്കും. ശ്വസന വ്യവസ്ഥ ശക്തമാകാന്‍ സഹായിക്കും. അന്താരാഷ്ട്ര യോഗാദിനത്തില്‍ രാജ്യത്തെ അഭിസംബോധന ചെയ്യുകയായിരുന്നു പ്രധാനമന്ത്രി നരേന്ദ്രമോദി.
യോഗ ചെയ്യുന്നത് മാനസികാരോഗ്യം വര്‍ധിപ്പിക്കും. ശരീരത്തിന്റെ ഉപാപചയ പ്രവര്‍ത്തനങ്ങളെ മെച്ചപ്പെടുത്തും. യോഗാദിനം ഐക്യത്തിന്റെത് കൂടിയാണെന്നും പ്രധാനമന്ത്രി നരേന്ദ്രമോദി സന്ദേശത്തില്‍ പറഞ്ഞു.
ആറാമത് അന്താരാഷ്ട്ര യോഗദിനമാണിന്ന്. യോഗ കുടുംബത്തോടൊപ്പം എന്നതാണ് ഇത്തവണത്തെ സന്ദേശം. കോവിഡ് പശ്ചാത്തലത്തില്‍ ഒന്നിച്ച് ചേര്‍ന്നുള്ള യോഗാദിനാചരണം വേണ്ടെന്ന് വെച്ചു.
