കുട്ടികളുടെ ചിത്രങ്ങള് സോഷ്യല് മീഡിയ വഴി ദുരുപയോഗം ചെയ്ത സംഭവത്തില് സംസ്ഥാനത്ത് 47 പേര് പിടിയില്. ഓപ്പറേഷന് പി ഹണ്ട് എന്ന പേരിലായിരുന്നു പൊലീസ് പരിശോധന. ഇലട്രോണിക് ഉപകരണങ്ങള് പിടിച്ചെടുത്തു.
89 കേസുകള് രജിസ്റ്റര് ചെയ്തു. ഇന്ന് രാവിലെ മുതലാണ് സംസ്ഥാന വ്യാപകമായി റെയ്ഡ് നടത്തിയത്. കുട്ടികളുടെ ചിത്രങ്ങള് നവമാധ്യമങ്ങളിലൂടെ ദുരുപയോഗം ചെയ്യുന്നുവെന്ന വിവരം ലഭിച്ചതായിരുന്നു അന്വേഷണം. കേരളാ പൊലീസിന്റെ സൈബര് ഡോമിനാണ് വിവരം ലഭിച്ചത്.
117 കേന്ദ്രങ്ങളാണ് സംസ്ഥാനത്തുള്ളതെന്നാണ് പൊലീസ് കണ്ടെത്തിയിരിക്കുന്നത്. എഡിജിരി മനോജ് എബ്രഹാമാണ് അന്വേഷണത്തിന് നേതൃത്വം നല്കുന്നത്. കുട്ടികളുടെ നഗ്നചിത്രങ്ങള് പ്രചരിപ്പിച്ച സംഭവത്തില് ഓപ്പറേഷന് പി ഹണ്ട് വഴി നേരത്തെയും അറസ്റ്റ് നടന്നിരുന്നു. ആലംബം, അധോലോകം, നീലക്കുറിഞ്ഞി എന്നീ ഗ്രൂപ്പുകളിലൂടെ ദൃശ്യങ്ങള് പ്രചരിപ്പിച്ചവരായിരുന്നു പിടിയിലായത്.
