തിരുവനന്തപുരം: ശനിയാഴ്ച അന്തരിച്ച പ്രകൃതി ചികിത്സകന്‍ മോഹനന്‍ വൈദ്യര്‍ക്ക് കൊവിഡ് സ്ഥിരീകരിച്ചു. മരണാനന്തരം നടത്തിയ പരിശോധനയിലാണ് മോഹന്‍ വൈദ്യര്‍ക്ക് കൊവിഡ് സ്ഥിരീകരിച്ചത്.
തിരുവനന്തപുരം മെഡിക്കല്‍ കോളേജിലാണ് അദ്ദേഹത്തിന്റെ മൃതദേഹം സൂക്ഷിച്ചിരിക്കുന്നത്.
ശനിയാഴ്ച രാത്രി എട്ടുമണിയോടെയാണ് മോഹനന്‍ വൈദ്യരെ ബന്ധുവീട്ടില്‍ മരിച്ച നിലയില്‍ കണ്ടെത്തിയത്. കുഴഞ്ഞു വീണായിരുന്നു മരണം. അദ്ദേഹത്തിന് പനിയും ശ്വാസ തടസവും അനുഭവപ്പെട്ടിരുന്നുവെന്നും റിപ്പോര്‍ട്ടുകളുണ്ട്.
മോഹനന്‍ വൈദ്യര്‍ നിരന്തരം ആധുനിക വൈദ്യശാസ്ത്രത്തിനെതിരെ പ്രചാരണം നടത്തുകയും നിരവധി വിവാദങ്ങളില്‍പ്പെടുകയും ചെയ്തിരുന്നു.
അശാസ്ത്രീയ ചികിത്സാ രീതിയുടെ പേരില്‍ വിമര്‍ശിക്കപ്പെട്ട ഇദ്ദേഹത്തിനെതിരെ ചികിത്സാ പിഴവില്‍ ഒന്നര വയസുകാരി മരിച്ചെന്ന പരാതിയിലടക്കം മോഹനനെതിരെ കേസുകളുണ്ട്.
