പാലക്കാട് ബൈക്ക് മോഷ്ടിക്കാന് ശ്രമിച്ചെന്ന് ആരോപിച്ച് യുവാവിനെ മര്ദിച്ച് കൊലപ്പെടുത്തി. പുലര്ച്ചെ ഒലവക്കോട് ജംഗ്ഷിനിലായിരുന്നു സംഭവം. മലമ്പുഴ കടുക്കാം കുന്ന് സ്വദേശി റഫീഖാണ് മരിച്ചത്. സംഭവത്തില് മൂന്ന് പേരെ പോലീസ് കസ്റ്റഡിയിലെടുത്തു.
കടയുടെ മുന്നില് നിര്ത്തിയിട്ട ബൈക്ക് മോഷ്ടിക്കാന് ശ്രമിച്ചെന്ന് ആരോപിച്ചായിരുന്നു മര്ദ്ദനമെന്ന് പൊലീസ് പറഞ്ഞു. റഫീക്ക് കുഴഞ്ഞുവീണാണു മരിച്ചത്. സംഭവത്തിനുശേഷം രക്ഷപ്പെടാന് ശ്രമിച്ച സംഘത്തെ നാട്ടുകാര് തടഞ്ഞുവച്ചു. റഫീഖിനെ പിന്തുടര്ന്നെത്തിയാണ് സംഘം ആക്രമണം നടത്തിയത്. സംഘത്തില് കൂടുതല് പേര് ഉണ്ടായിരുന്നതായും പൊലീസ് പറയുന്നു.
