യു.ഡി.എഫ് സ്വതന്ത്രനായി ജസ്റ്റിസ് കമാല്‍ പാഷ നിയമസഭയിലേക്ക് മത്സരിക്കും. പുനലൂല്‍ മണ്ഡലം നല്‍കാമെന്നാണ് യു.ഡി.എഫ് വാഗ്ദാനം. തൃക്കാക്കര മണ്ഡലത്തിനോടാണ് താല്‍പര്യമെന്ന് കമാല്‍ പാഷ യു.ഡി.എഫ് നേതൃത്വത്തെ അറിയിച്ചു.
തൃക്കാക്കര അല്ലെങ്കില്‍ എറണാകുളത്തിന് സമീപത്തെ ഏതെങ്കിലും മണ്ഡലം വേണമെന്നാണ് കമാല്‍ പാഷയുടെ നിലപാട്. ജനങ്ങളുടെ ആവശ്യങ്ങള്‍ നിറവേറ്റുന്നതിനാണ് രാഷ്ട്രീയത്തിലേക്ക് വരുന്നത്. അഴിമതി തുടച്ചു നീക്കുമെന്നും കമാല്‍ പാഷ ന്യൂസ് 18നോട് പറഞ്ഞു.
യു.ഡി.എഫ് ക്ഷണിച്ചാല്‍ സ്ഥാനാര്‍ത്ഥിയാകാന്‍ തയ്യാറാണെന്ന് കമാല്‍ പാഷ നേരത്തെ പറഞ്ഞിരുന്നു. എം.എല്‍.എ ശമ്പളം തനിക്ക് വേണ്ട. എള്‍.ഡി.എഫിനോടും ബി.ജെ.പിയോടും താല്‍പര്യമില്ലെന്നും കമാല്‍ പാഷ വ്യക്തമാക്കിയിരുന്നു.
