ബലാത്സംഗക്കേസില്‍ പ്രതിയായ നടനും നിര്‍മാതാവുമായ വിജയ് ബാബുവിന്റെ ജാമ്യാപേക്ഷ പരിഗണിക്കുന്നത് കോടതി നാളത്തേക്ക് മാറ്റി. ദുബായിലുള്ള വിജയ് ബാബു ആദ്യം നാട്ടിലെത്തട്ടെയെന്ന് കോടതി പരാമര്‍ശിച്ചു. കേസ് ഇന്ന് പരിഗണിക്കാനിരിക്കെയാണ് മാറ്റിവെച്ചത്.
ജോര്‍ജിയയില്‍ നിന്ന് ദുബായിലേക്കെത്തിയ വിജയ് ബാബുവിനോട് നാട്ടിലേക്കുള്ള മടക്ക ടിക്കറ്റ് ഹാജരാക്കാന്‍ ഹൈക്കോടതി നിര്‍ദേശിച്ചിരുന്നു. ഇതിന്റെ അടിസ്ഥാനത്തില്‍ കഴിഞ്ഞ ദിവസം മടക്ക ടിക്കറ്റ് ഹൈക്കോടതിയില്‍ ഹാജരാക്കി.
അതേസമയം പരാതിക്കാരിയായ നടിക്കെതിരെ വിജയ് ബാബു ഹൈക്കോടതിയില്‍ ഉപഹര്‍ജി നല്‍കിയിട്ടുണ്ട്.
