കൊവിഡ് 19 പ്രതിരോധ ബോധവത്കരണത്തില്‍ നടന്‍ മോഹന്‍ലാലും. ഭീതി വേണ്ട, മുന്‍കരുതല്‍ സ്വീകരിച്ചാല്‍ വേണമെന്നാണ് വീഡിയോയിലൂടെ നല്‍കുന്ന സന്ദേശം. കൊവിഡ് 19നുമായി ബന്ധപ്പെട്ട് മോഹന്‍ലാലിന്റെ ചോദ്യങ്ങള്‍ക്ക് എറണാകുളം മെഡിക്കല്‍ കോളേജിലെ കൊറോണ കണ്‍ട്രോള്‍ നോഡല്‍ ഓഫീസറും ശ്വാസകോശരോഗ വിഭാഗം മേധാവിയുമായ ഡോക്ടര്‍ ഫത്താഹുദീനാണ് മറുപടി നല്‍കുന്നത്.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ലോകാരോഗ്യ സംഘടന ലോകത്തിന് ഭീഷണിയായി പ്രഖ്യാപിച്ച കൊറോണ വൈറസിനെ പ്രതിരോധിക്കുന്നതിനായി സ്വീകരിക്കേണ്ട മുന്‍കരുതലുകളെക്കുറിച്ചുള്ള സംശയങ്ങളാണ് മോഹന്‍ലാല്‍ ചോദിക്കുന്നത്. പൊതുജനങ്ങള്‍ക്കുള്ള നിര്‍ദേശങ്ങളും പാലിക്കേണ്ട കാര്യങ്ങളെന്താല്ലാമെന്നുമാണ് ചോദ്യങ്ങള്‍. കൊറോണ വൈറസ് എന്താണെന്നതിലാണ് മോഹന്‍ലാല്‍ തുടങ്ങുന്നത്.
ആശങ്കയില്ലാതെ ജാഗ്രതയോട് മുന്നോട്ട് പോകണമെന്ന സന്ദേശത്തോടെയാണ് വീഡിയോ അവസാനിപ്പിക്കുന്നത്. മോഹന്‍ലാലിന്റെ സോഷ്യല്‍മീഡിയ അക്കൗണ്ടിലൂടെയാണ് വീഡിയോ പുറത്തു വിട്ടിരിക്കുന്നത്.
