സ്വര്ണക്കടത്ത് കേസില് മുഖ്യമന്ത്രി പിണറായി വിജയനെതിരെ കോണ്ഗ്രസ്. സ്വര്ണക്കടത്ത് കേസും മുഖ്യമന്ത്രിയുടെ ഓഫീസുമായി ബന്ധപ്പെട്ട ആരോപണവും അപൂര്വ്വങ്ങളില് അപൂര്വ്വമാണ്. കേസുമായി ബന്ധപ്പെട്ട വിവരങ്ങള് പുറത്ത് കൊണ്ടുവരാന് സിബിഐ അന്വേഷണമാണ് അഭികാമ്യം. എം ശിവശങ്കര് മുഖ്യമന്ത്രി പിണറായി വിജയന്റെ മനസാക്ഷി സൂക്ഷിപ്പുകാരനാണെന്നും കോണ്ഗ്രസ് നേതാക്കള് ആരോപിച്ചു. ഉമ്മന്ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന് എന്നിവരായിരുന്നു സംയുക്ത വാര്ത്താസമ്മേളനം നടത്തിയത്.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
അടിയന്തര മന്ത്രിസഭാ യോഗം വിളിച്ച് സിബിഐ അന്വേഷണം ആവശ്യപ്പെടാന് മുഖ്യമന്ത്രി തയ്യാറാകണം. സിബിഐക്കും എന്ഐഎക്കുമൊപ്പം റോയുടെ സേവനവും പ്രയോജനപ്പെടുത്തണമെന്നും നേതാക്കള് ആവശ്യപ്പെട്ടു.
മോഷ്ടാവ് കുറ്റം സമ്മതിച്ച ചരിത്രം ഇല്ലെന്ന മട്ടിലാണ് കേസില് മുഖ്യമന്ത്രിയുടെ പ്രതികരണമെന്ന് മുല്ലപ്പള്ളി രാമചന്ദ്രന് ആരോപിച്ചു. മുഖ്യമന്ത്രിയുടെ ഓഫീസ് അഴിമതിക്ക് കുട പിടിക്കുകയാണ്. ഐടി വകുപ്പില് പിന്വാതില് നിയമനം മാത്രമാണ് നടക്കുന്നത്. സിഡിറ്റില് മാത്രം 51 അനധികൃത നിയമനമാണ് നടന്നതെന്ന് ചെന്നിത്തല ആരോപിച്ചു. പഴുതടച്ചുള്ള അന്വേഷണമാണ് വേണ്ടതെന്ന് ഉമ്മന്ചാണ്ടി ആവശ്യപ്പെട്ടു.
