കോഴിക്കോട്: കൊവിഡ് മാനദണ്ഡം ലംഘിച്ചതിന് നടന് മമ്മൂട്ടിക്കെതിരെ ചുമത്തിയത് രണ്ട് വര്ഷം തടവോ പതിനായിരം രൂപ പിഴയോ ചുമത്താകുന്ന കുറ്റം. നടന് രമേഷ് പിഷാരടി, നിര്മ്മാതാവ് ആന്റോ ജോസഫ്, ആശുപത്രി അധികൃതര് എന്നിവര്ക്കെതിരെയും കേസെടുത്തിട്ടുണ്ട്.
മെയ്ത്ര ആശുപത്രിയില് ഒരു ഉദ്ഘാടന ചടങ്ങിന് എത്തിയപ്പോള് ആള്ക്കൂട്ടമുണ്ടാക്കിയതിനാണ് കേസ്. റോബോട്ടിക് ശസ്ത്രക്രിയ വിഭാഗത്തിന്റെ ഉദ്ഘാടനത്തിന് എത്തിയതായിരുന്നു ഇവര്.
ആശുപത്രിയിലെ തീവ്രപരിചരണ വിഭാഗം ബ്ലോക്കിലും ഇവര് എത്തിയിരുന്നു.
കൊവിഡ് പ്രോട്ടോക്കോള് പാലിച്ചായിരുന്നു ഉദ്ഘാടന ചടങ്ങ് നടന്നത്. ഇതിനുശേഷമായിരുന്നു നടന്മാര്ക്ക് ചുറ്റും ആളുകൂടിയത്. നടന്മാര് എത്തിയപ്പോള് ആശുപത്രിയില് മുന്നൂറോളം പേര് കൂടിയെന്ന് എലത്തൂര് പൊലീസ് പറഞ്ഞു.
